నేచురల్ స్టార్ నాని గురించి ఎంత చెప్పినా తక్కువే అవుతుంది. ఈ హీరో ఎన్నో సినిమాలలో నటించి మంచి గుర్తింపు తెచ్చుకున్నారు. తాజాగా ఈ హీరో శైలేష్ కొలను దర్శకత్వంలో హిట్-3 సినిమాలో నటించారు. హిట్ యూనివర్సల్ లో వస్తున్న మూడవ చిత్రం కావడంతో ఈ సినిమా కోసం అభిమానులు ఎంతో ఆసక్తిగా ఎదురుచూస్తున్నారు. అంతేకాకుండా ఇంతకుముందే వచ్చిన రెండు సినిమాలు బ్లాక్ బస్టర్ విజయాన్ని అందుకోవడంతో హిట్-3 సినిమాపై భారీ అంచనాలు నెలకొంటున్నాయి. మే 1వ తేదీన హిట్-3 సినిమా థియేటర్లలో రిలీజ్ కానుంది. ఈ నేపథ్యంలో చిత్ర బృందం,


మేకర్స్ ప్రచార కార్యక్రమాలను శరవేగంగా జరుపుతున్నారు. అందులో భాగంగానే ఈ సినిమా ట్రైలర్ ను రిలీజ్ చేశారు. ట్రైలర్ లో వరుస హత్యలు వాటిని పవర్ఫుల్ పోలీస్ అధికారి అయిన అర్జున్ సర్కార్ ఎలా చేదించాడు అనే విధంగా ఈ సినిమా తెరకెక్కినట్లుగా ట్రైలర్ లో స్పష్టంగా తెలుస్తోంది. ఇందులో హీరో నాని చెప్పిన డైలాగులు థియేటర్లలో పూనకాలు తెప్పించడం కన్ఫామ్ అని అంటున్నారు. ఈ ట్రైలర్ సినిమాపై భారీగా అంచనాలను పెంచేసింది. హిట్ 1, 2 సినిమాలతో పోల్చినట్లయితే హిట్-3 సినిమా కాస్త వైల్డ్ గా ఉందని చెప్పవచ్చు. 

ఈ సినిమాలో నాని సరసన హీరోయిన్ గా కేజిఎఫ్ ఫేమ్ శ్రీనిధి శెట్టి హీరోయిన్ గా నటించిన మిక్కీ జే మేయర్ సంగీతాన్ని అందించారు. నాని సొంత నిర్మాణ సంస్థ వాల్ పోస్టర్ సినిమా, యునానిమస్ ప్రొడక్షన్స్ పై ప్రశాంతి త్రిపురనేని ఈ సినిమాని సంయుక్తంగా నిర్మిస్తున్నారు. కాగా, ట్రైలర్ లో 'సార్ క్రిమినల్స్ ఉండే భూమి మీద సిక్స్ ఫీట్ సెల్ లో ఉండాలి... లేదా భూమిలో సిక్స్ ఫీట్ హోల్ లో అయినా ఉండాలి. 

ఏ క్రిమినల్ కూడా సొసైటీలో ఫ్రీగా తిరగడానికి వీలు లేదు' అంటూ అర్జున్ (నాని) డైలాగ్ తో ఈ సినిమా ట్రైలర్ ప్రారంభమవుతుంది. ఈ ట్రైలర్ మూడు నిమిషాల నిడివితో ఉండి ప్రతి ఒక్కరిని ఆకట్టుకుంటుంది. ఈ సినిమా మే 1వ తేదీన రిలీజ్ కానుంది. ఈ సినిమా కోసం అభిమానులు ఆత్రుతగా ఎదురుచూస్తున్నారు.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

HIT 3 TRAILER

Veldandi Saikiran

14/04/2025 01:34 PM