సీతమ్మ వాకిట్లో సిరిమల్లె చెట్టు, శంభో శివ శంభో వంటి చిత్రాలతో భారీ పాపులారిటీ సొంతం చేసుకున్న ప్రముఖ నటి అభినయ గురించి పరిచయాలు ప్రత్యేకంగా అవసరం లేదు. తన నటనతో ఊహించని ఇమేజ్ సొంతం చేసుకున్న ఈమె పుట్టుకతోనే చెవిటి, మూగ.. అయినా సరే తల్లిదండ్రుల ప్రోత్సాహంతో నేడు స్టార్ స్టేటస్ ను సొంతం చేసుకుంది. ఒకవైపు తెలుగు సినిమాలలోనే కాకుండా మరొకవైపు తమిళ్ చిత్రాలలో కూడా నటించి ప్రేక్షకులను విపరీతంగా ఆకట్టుకుంది అభినయ.

గతంలో కోలీవుడ్ స్టార్ హీరో విశాల్ తో ఏడడుగులు వేయబోతోంది అంటూ వార్తలు రాగా.. దానిపై స్పందించిన ఈమె ఆ తర్వాత 15 ఏళ్ల నుంచి తాను రిలేషన్ లో ఉన్న విషయాన్ని బయట పెట్టింది. అలా  హైదరాబాద్ కి చెందిన సన్నీ వర్మాను ప్రేమిస్తున్నట్లు తెలిపిన ఈమె మార్చ్ 9న నిశ్చితార్థం చేసుకొని అందుకు సంబంధించిన ఫోటోలను అభిమానులతో పంచుకుంది. ఇక ఇటీవల రిసెప్షన్ కూడా నిర్వహించారు. ఎట్టకేలకు నిన్న రాత్రి వీరి వివాహం జరిగింది. జూబ్లీహిల్స్ లోని జేఆర్సి కన్వెన్షన్ హాల్లో ఈ జంట మూడు ముళ్ళు ఏడడుగులతో ఒక్కటయ్యారు.


ప్రస్తుతం అభినయ, సన్నీ వర్మ పెళ్లికి సంబంధించిన ఫోటోలు సోషల్ మీడియాలో వైరల్ గా మారుతున్నాయి. ఈ వివాహ వేడుకకు సంబంధించిన ఫోటోలను చూసిన అభిమానులు,  సినీ సెలబ్రిటీలు అభినయకు శుభాకాంక్షలు తెలియజేస్తున్నారు. ఇకపోతే వివాహం అనంతరం అభినయ పెళ్లి జీవితానికే పరిమితమవుతుందా లేక సినిమాలలో  నటిస్తుందా అన్నది తెలియాల్సి ఉంది. సాధారణంగా వివాహం జరిగిన తర్వాత చాలామంది హీరోయిన్స్ ఇండస్ట్రీలో కొనసాగుతున్నారు మరికొంతమంది ఇంటికే పరిమితం అవుతున్నారు ఈ క్రమంలోనే అనుమానాలు వ్యక్తమవుతుండగా.. మరి అభినయ ఎలాంటి రియాక్షన్ ఇస్తుందో చూడాలి. లేకపోతే సోషల్ మీడియాలో అభినయ పెళ్లి ఫోటోలతో పాటు వీరు నిశ్చితార్థ వేడుకకు సంబంధించిన ఫోటోలు కూడా ఇప్పుడు వైరల్ గా మారుతున్నాయి
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

ABHINAYA SUNNY VARMA

Divya

17/04/2025 08:04 AM