తాజాగా తన ఎక్స్ ఖాతా ద్వారా ఈ పుకార్లకు చెక్ పెట్టాడు. "నేను సినిమాలు మానేయలేదు, కేవలం వేరే సిటీకి మారాను" అని క్లారిటీ ఇచ్చాడు. అంతేకాదు, తాను ఎంత బిజీగా ఉన్నాడో చెప్పి అందరినీ ఆశ్చర్యపరిచాడు. "2028 వరకు నా దగ్గర ఖాళీ డేట్స్ లేవు. నేను షారుఖ్ ఖాన్ కంటే బిజీ. డబ్బు రాదు కాబట్టి అలా ఉండాల్సిందే" అంటూ తనదైన స్టైల్లో చురకంటించాడు. ప్రస్తుతం తన చేతిలో ఐదు సినిమాలున్నాయని, వాటిలో మూడు ఈ ఏడాదే విడుదలయ్యే అవకాశం ఉందని, మిగతా రెండు వచ్చే ఏడాది మొదట్లో వస్తాయని తెలిపాడు.
నిరాశతోనో, అవకాశాలు లేకనో అనురాగ్ మాయమయ్యాడని అనుకునే వాళ్ళకు కౌంటర్ ఇచ్చాడు. "నా దగ్గర బోలెడంత పని ఉంది. కనీసం రోజుకు మూడు ప్రాజెక్టులను నేనే వదులుకుంటున్నాను" అని చెప్పాడు. నా ఐఎండీబీ (IMDb) ప్రొఫైల్ బహుశా చాలా పెద్దగా ఉంటుందేమో, నేను అంతలా పని చేస్తాను అంటూ సరదాగా అన్నాడు. చివరికి అతని పోస్ట్ కాస్త ఘాటుగానే ఉన్నా, తనపై వస్తున్న తప్పుడు ప్రచారాన్ని ఆపడమే లక్ష్యంగా అది పెట్టాడని అర్థమవుతోంది.
ఈ పోస్ట్ క్షణాల్లో వైరల్ అయ్యింది. దీనిపై నెటిజన్లు రకరకాలుగా స్పందిస్తున్నారు. ఒకరు "బ్రో, ఇలా మళ్లీ చేయకు, మంచి సినిమాలు తియ్యడంపై దృష్టి పెట్టు" అంటే, మరొకరు "సార్, మీరు దేన్నీ నిరూపించుకోవాల్సిన అవసరం లేదు" అన్నారు. ఇంకొందరు ఏకంగా "మీరు వర్మ (RGV) లా మారుతున్నారా?" అని అడిగారు. అయితే, ఇటీవల విడుదలైన 'మహారాజా' సినిమాలో అతని నటనను ప్రశంసిస్తూ కొందరు కామెంట్లు చేశారు.
కాగా, గత నెలలో 'ది హిందూ' వార్తాపత్రికకు ఇచ్చిన ఇంటర్వ్యూలో అనురాగ్ మాట్లాడుతూ.. తాను ముంబై వదిలి బెంగుళూరుకు మారినట్లు వెల్లడించాడు. బాలీవుడ్ ను "టాక్సిక్"గా అభివర్ణించాడు. సినిమా వాళ్లకు దూరంగా ఉండాలని కోరుకుంటున్నట్లు చెప్పాడు. 500-800 కోట్ల హిట్లు వంటి అవాస్తవ లక్ష్యాల వెంట పడటాన్ని విమర్శించాడు. అక్కడ క్రియేటివిటీ కి చోటు లేకుండా పోయిందని ఆవేదన వ్యక్తం చేశాడు.
ఈ రచ్చ అంతా పక్కన పెడితే, అనురాగ్ కశ్యప్ మాత్రం కొత్త లొకేషన్ నుంచి తన స్టోరీ టెల్లింగ్ పై, సినిమాలపై పూర్తి ఫోకస్ తో, చాలా యాక్టివ్ గా ఉన్నట్లు స్పష్టమవుతోంది. సినిమాలు మానేయలేదు, మరింత జోరుగానే పని చేస్తున్నాడు అని తేలిపోయింది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి