ఈ క్రమంలోనే పెళ్లి తర్వాత మొదటిసారి ఒక హాలీవుడ్ స్టార్ హీరో తో కీర్తి రొమాన్స్ చేయబోతుందంటూ న్యూస్ వైరల్ అవుతుంది. ఇంతకీ ఆ హీరో ఎవరో కాదు సూర్య. చివరగా లక్కీ భాస్కర్ లాంటి బ్లాక్ బస్టర్ ను ఖాతాలో వేసుకున్న వెంకీ అట్లూరి డైరెక్షన్లో ఓ సినిమా నటించేందుకు సూర్య గ్రీన్ సిగ్నల్ ఇచ్చాడు. ఇక సితార ఎంటర్టైన్మెంట్స్ బ్యానర్‌పై రూపొందుతున్న ఈ సినిమాకు.. 796 సిసి టైటిల్ పరిశీలనలో ఉంది. మారుతి కార్లు భారతదేశానికి తీసుకువచ్చే ప్రయత్నం నేపథ్యంలో ఈ కథ సాగుతుందని సమాచారం. ఈ క్రమంలోనే మారుతి ఇంజిన్ కెపాసిటీని సూచించే 796సిసి కోడ్ టైటిల్ గా భావిస్తున్నారట. ఇక సూర్యకు బయోపిక్స్‌ అంటే ప్రత్యేక అభిమానం.
ఈ క్రమంలోనే ఆకాశమే నీ హద్దురా సినిమాల్లో నటించి బ్లాక్ బస్టర్ అందుకోవడమే కాదు ఎన్నో అవార్డులు రివార్డులను సైతం దక్కించుకున్నారు. ఈ బాటలోనే మరోసారి వెంకీ అట్లూరి సినిమాకు గ్రీన్ సిగ్నల్ ఇచ్చాడు. ఇక ఈ సినిమాలో హీరోయిన్గా కీర్తి సురేష్ కనిపించనుందని.. దర్శక, నిర్మాతలు ఆమె అయితేనే సినిమాకు పర్ఫెక్ట్ ఛాయిస్ అని భావిస్తున్నట్లు సమాచారం. గతంలో వెంకీ అట్లూరి డైరెక్షన్లో కీర్తి రంగ్‌దే సినిమాలో నటించి ఆకట్టుకుంది. ఈ క్రమంలోనే సూర్య, కీర్తిల జోడి అయితే ఆడియన్స్‌కు ఫ్ర‌ష్ ఫీల్ కలుగుతుందని వెంకీ ఆలోచన చేశాడట. దీనికి.. కీర్తి కూడా గ్రీన్ సిగ్నల్ ఇచ్చినట్లు టాక్ నడుస్తుంది. మే 15 నుంచి రెగ్యులర్ షూటింగ్ ప్రారంభం కానుందని.. త్వరలోనే ఈ కాంబోకి సంబంధించిన మరిన్ని వివరాలు కూడా టీం రిలీజ్ చేయనున్నట్లు సమాచారం.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి