బ్రో ప్రీ రిలీజ్ ఈవెంట్ కోసం హైదరాబాద్ లోని శిల్పకళా వేదిక గ్రాండ్ గా ముస్తాబవుతోందని సమాచారం. ఈ సినిమా రిలీజ్ కి సరిగ్గా మూడు రోజుల ముందు అనగా.. జూలై 25న ఈ ఈవెంట్ ప్లాన్ చేశారని అంటున్నారు. పవన్ ఫ్యాన్స్ ఖుషీ అయ్యేలా ఎన్నో ప్రత్యేకతలతో ఈ భారీ ఈవెంట్ ఉండనుందట.ఇకపోతే ఈ ఈవెంట్ చీఫ్ గెస్ట్ గా మెగాస్టార్ చిరంజీవి రాబోతున్నారని తెలుస్తుండటం మెగా అభిమానుల్లో పూనకాలు తెప్పిస్తోంది. సాయి తేజ్, పవన్ కళ్యాణ్ కలిసి నటిస్తున్న ఈ సినిమాకు చిరంజీవి ఫుల్ సపోర్ట్ అందించనున్నారట.ఈ సినిమా ఒరిజినల్‌లో సముద్రఖని నటించడమే కాదు ఈ సినిమాను డైరెక్ట్‌ కూడా చేశారు. తెలుగు వర్షన్ రీమేక్ కి కూడా సముద్రఖని దర్శకత్వం వహిస్తుండగా.. త్రివిక్రమ్ శ్రీనివాస్ మాటలు అందిస్తూ తెరవెనుక అన్నీ తానై చూసుకుంటున్నారు.
చిత్రంలో సాయి ధరమ్ తేజ్ జంటగా కేతిక శర్మ నటిస్తోంది. మరో హీరోయిన్ గా ప్రియా ప్రకాష్ వారియర్‌ కనిపించనుంది. తనికెళ్ల భరణి ఓ కీలక పాత్ర పోషిస్తున్నారు.తెలుగు నేటివిటీకి తగ్గట్లుగా ఈ మూవీ కోసం ఓ ఐటెం సాంగ్ కూడా ప్లాన్ చేశారని టాక్. ఇకపోతే బ్రో చిత్ర ప్రమోషన్స్ విషయంలో వెరైటీ స్టెప్స్ వేస్తున్నారు మేకర్స్. రెండు తెలుగు రాష్ట్రాల్లో బ్రో సినిమా ప్రభంజనం సృష్టించేలా సన్నాహాలు చేస్తున్నారు.పవన్ కళ్యాణ్ లైనప్ లో రాబోతున్న ఈ సినిమాపై మెగా ఫ్యాన్స్ బోలెడన్ని అంచనాలు పెట్టుకున్నారు. పవన్, సాయి తేజ్ లను ఒకే తెరపై చూడనుండటం అందరిలో క్యూరియాసిటీ పెంచేసింది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి