ఒక సినిమా కి కొబ్బరి కాయ కొట్టింది మొదలు ఇక ఆ సినిమా మీద రక రకాల గాసిప్స్ మొదలైపోతుంటాయన్న సంగతి తెలిసిందే. ఏ విషయాన్నైనా చిత్ర బృందం అధికారకంగా ప్రకటించే వరకు ఎవరూ ఆగడం లేదు సరి కదా ఒక గాసిప్ రాసేస్తే ఏమవుతుందిలే అన్న ఆలోచనతో.. తోచిన విధంగా సోషల్ మీడియాలో వార్తలు క్రియోట్ చేసి రాసేస్తున్నారు. ఆ వార్త అలా అలా అన్ని చోట్లా చక్కర్లు కొట్టి చివరకి చిత్ర బృందానికి చేరుతుంది. అయితే ఇలాంటి వార్తలు కాంట్రవర్సీ కాకుంటే ఆయా చిత్ర బృందాలు స్పందించరు గాని, లేదంటే వెంటనే అలా సృష్ఠించిన వార్తలో వాస్తవం ఏంటనేది వెల్లడించాల్సి వస్తుంది.
అలాంటి రక రకాల వార్తలు ఇటీవల సూపర్ స్టార్ మహేష్ బాబు నటించబోయో సర్కారు వారి పాట సినిమా విషయంలో టైటిల్ పోస్టర్ రిలీజైనప్పటి నుంచి తరచుగా వస్తూనే ఉన్నాయి. మహేష్ బాబు కెరీర్ లో 27 వ సినిమాగా తెరకెక్కబోయో సర్కారు వారి పాట సినిమాకి గీత గోవిందం ఫేం పరశు రాం దర్శకత్వం వహిస్తున్నాడు. జీ.ఎం.బి ఎంటర్‌టైన్‌మెంట్స్, 14 రీల్స్ ఎంటర్‌టైన్‌మెంట్స్, మైత్రీ మూవీ మేకర్స్ సంయుక్తంగా భారీ బడ్జెట్ తో నిర్మిస్తుండగా ప్రస్తుతం టాలీవుడ్ లో సూపర్ హిట్ ఆల్బంస్ ఇస్తున్న ఎస్ ఎస్ థమన్ సంగీతమందిస్తున్నాడు.
అయితే ఎప్పుడైతే మహేష్ బాబు, పరశురాం కాంబినేషన్ లో సినిమా ప్రకటించారో అప్పటి నుంచి ముందుగా హీరోయిన్ విషయంలో ప్రచారం మొదలైంది. మహేష్ బాబు సరసన భరత్ అనే నేను సినిమాతో టాలీవుడ్ కి పరిచయమై ఆ తర్వాత బాలీవుడ్ లో స్టార్ హీరోయిన్ గా క్రేజ్ ని సంపాదించుకొని వరస ప్రాజెక్ట్స్ తో బిజీగా ఉన్న కియారా అద్వాని హీరోయిన్ గా నటిస్తుందని అన్నారు. కాని ఈ వార్త కేవలం క్రేజీ గాసిప్ అని చిత్ర యూనిట్ ప్రకటించగానే ఆ తర్వాత రోజు నుంచి కీర్తి సురేష్, బాలీవుడ్ హీరోయిన్ సాయీ మంజ్రేకర్ అని వార్తలు వచ్చాయి.
అయితే ఇంతవరకు సర్కారు వారి పాట బృందం మాత్రం అధికారకంగా ఈ సినిమాలో హీరోయిన్ ఎవరన్నది ప్రకటించలేదు. ఇప్పుడు మరో క్రేజీ న్యూస్ క్రియోటయింది. ఈ సారి మహేష్ బాబు మీద ఆ న్యూస్ కావడం ఆసక్తికరం కాగా సర్కారు వారి పాట లో మహేష్ బాబు డ్యూయల్ రోల్ పోషిస్తున్నాడని చెప్పుకుంటున్నారు. మరి ఇది ఎంతవరకు నిజమో చిత్ర బృందం వెల్లడించాల్సి ఉండగా సెప్టెంబర్ నుంచి ఈ సినిమా సెట్స్ మీదకి తీసుకు వెళ్ళేందుకు సన్నాహాలు జరుగుతున్నాయి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి