ప్రపంచవ్యాప్తంగా ఉత్కంఠ రేపిన అమెరికా అధ్యక్ష ఎన్నికల్లో డొనాల్డ్ ట్రంప్ విజయం సాధించిన సంగతి తెలిసిందే ఆయన విజయం తర్వాత. ప్రపంచ దేశాలు తమకు ఎలాంటి లాభనష్టాలు కలుగుతాయేమోనని విశ్లేషించుకుంటున్నాయి. ఈ విజయం తర్వాత కొన్ని దేశాలు అమెరికాకు మరింత కానున్నాయని వార్తలు వస్తున్నాయి. మరికొన్ని దేశాలు ట్రంప్‌కు దూరం కావచ్చు. అయితే బంగ్లాదేశ్‌లోని హిందువులు డొనాల్డ్ ట్రంప్ విజయం సాధించాక పండుగ చేసుకుంటున్నారు. ఎందుకంటే యూఎస్ ఎలక్షన్స్‌కు ముందు ప్రచారం సమయంలో బంగ్లాదేశ్‌లోని హిందువులపై జరుగుతున్న అరాచకాలను ప్రస్తావించారు డొనాల్డ్ ట్రంప్. అంతేకాదు వారిపై దాడులు జరగడం అన్యాయం అని తీవ్ర బాధను వ్యక్తపరిచారు.

అయితే అమెరికా అధ్యక్షుడిగా డొనాల్డ్ ట్రంప్ విజయం సాధించడం వల్ల బంగ్లాదేశ్ తాత్కాలిక ప్రభుత్వ చీఫ్ మహ్మద్ యూనస్‌ అలా భయపడిపోతున్నారని కూడా వార్తలు వస్తున్నాయి. అంతేకాకుండా ట్రంప్ బంగ్లాదేశ్‌లో నివసిస్తున్న హిందువులకు మంచి చేసే అవకాశం ఉందని నమ్ముతున్నారు. బంగ్లాదేశ్‌లో అల్లర్లు, ఆపై హిందువుల మీద దాడులు జరిగిన సంగతి తెలిసిందే. ఈ హింస గురించి ట్రంప్ బాగా కలక చెందారు. అమెరికాలో పెద్ద సంఖ్యలో ఉన్న హిందూ ఓటర్లను తన వైపు తిప్పుకునేలాగా ఆయన ఈ వ్యాఖ్యలు చేసినట్లు రాజకీయ విశ్లేషకులు చెప్పారు.

బంగ్లాదేశ్‌లో హిందువులు, క్రైస్తవులు, ఇతర మైనార్టీలపై జరుగుతున్న దాడులను డొనాల్డ్ ట్రంప్ తీవ్రంగా ఖండించారు. అల్లర్లు హిందువుల ఇళ్లు, దుకాణాలను లూటీ చేసి గందరగోళం సృష్టించారని అన్నారు. తాను అధ్యక్షుడిగా ఉన్న సమయంలో ఇలాంటి ఘటనలు ఎప్పుడూ జరగలేదని ట్రంప్‌ స్పష్టం చేశారు. కమలా హారిస్, జో బైడెన్ US, ప్రపంచవ్యాప్తంగా హిందువుల ఆందోళనలపై తగినంత శ్రద్ధ చూపడం లేదని ఆయన విమర్శించారు. తాను మళ్లీ అధికారంలోకి వస్తే అమెరికాను బలోపేతం చేస్తానని, ప్రపంచానికి శాంతిని ప్రసాదిస్తానని హామీ ఇచ్చారు.

రాడికల్ లెఫ్ట్ మత వ్యతిరేక ఎజెండా నుండి హిందూ అమెరికన్లు రక్షించబడతారని ట్రంప్ అన్నారు. భారతదేశం, ప్రధాని నరేంద్ర మోడీతో బలమైన భాగస్వామ్యాన్ని ఏర్పరుచుకుంటానని ఆయన ప్రతిజ్ఞ చేశారు. కమలా హారిస్ హయాంలో పన్నులు, నిబంధనలు చిన్న వ్యాపారాలను దెబ్బతీస్తాయని, అయితే తాను గెలిస్తే పన్నులు, నిబంధనలను తగ్గిస్తానని ఆయన పేర్కొన్నారు. అమెరికాను అతిపెద్ద ఆర్థిక వ్యవస్థగా, చరిత్రలో బలమైన దేశంగా తీర్చిదిద్దుతామని ట్రంప్ హామీ ఇచ్చారు. దీపావళి పండుగ చెడుపై విజయానికి ప్రతీక అని కూడా అతను నమ్మాడు.

ఇంతలో, బైడెన్‌తో మంచి సంబంధాలు కలిగి ఉన్న బంగ్లాదేశ్ తాత్కాలిక చీఫ్ మహ్మద్ యూనస్, అమెరికా పర్యటనలో ట్రంప్‌ను కలవలేదని ట్రంప్ గతంలో యూనస్‌ను విమర్శించారు, అతనిని ఓడించే లక్ష్యంతో విరాళాలు ఇచ్చిన విషయాన్ని ప్రస్తావించారు. ట్రంప్ హయాంలో కంటే బిడెన్ హయాంలో అమెరికా-బంగ్లాదేశ్ సంబంధాలు మెరుగ్గా ఉన్నాయని ఈ చర్యలు సూచిస్తున్నాయి.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Trump

praveen

07/11/2024 07:55 PM