ఆఫ్ఘనిస్తాన్ లో అటు తాళిబన్ల పాలన వచ్చిన నాటి నుంచి కూడా పూర్తిగా ప్రజాస్వామ్యం కనుమరుగయ్యింది అన్న విషయం తెలిసిందే. మొన్నటి వరకు స్వేచ్ఛగా చదువులు వ్యాపారాలు ఆటల్లో పురుషులతో పోటీపడిన అమ్మాయిలు.. ఇక ఇప్పుడు మళ్లీ ఆ దేశంలో వంటింటి కుందేళ్లుగా మారిపోయారు. కనీసం చదువుకోవడానికి కూడా వీలు లేని విధంగా అక్కడి చట్టాలను రూపొందించారు తాలిబన్లు .అయితే ఇరాక్ లో కూడా ఇలాంటి దారుణమైన చట్టాలను తీసుకువచ్చారు అనేది తెలుస్తోంది.
ఈ క్రమం లోనే ఇరాక్ లో ఇటీవల తీసుకు వచ్చిన ఒక కొత్త చట్టం గురించి తెలిసి ప్రపంచమే నివ్వెర పోతుంది. పర్సనల్ లా చట్టాన్ని సవరించేందుకు ఇరాక్ పార్లమెంట్ సిద్ధం అవ్వడంపై హక్కుల సంఘాలు బగ్గు మంటున్నాయి. సవరణకు ఆమోదం లభిస్తే అమ్మాయిల పెళ్లి వయస్సు ఏకంగా 9 ఏళ్లకు తగ్గిపోతుంది. విడాకులు, పిల్లల కస్టడీ, వారసత్వ ఆస్తిపై కూడా అటు మహిళలు హక్కును కోల్పోతారు. ఇది చైల్డ్ సెక్స్ ని చట్టబద్ధం చేయలేమని.. అదే సమయంలో మహిళల పరిస్థితి దారుణంగా మారిపోతుందని ప్రపంచం ఈ చట్టంపై ఆందోళన వ్యక్తం చేస్తుంది. అయినప్పటికీ ఇరాక్ ప్రభుత్వం వెనక్కి తగ్గేలా మాత్రం కనిపించడం లేదు. ఏం జరుగుతుందో చూడాలి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి