సాధారణంగా ఏ కంపెనీకి వెళ్లి చూసినా అటు మతిమరుపు ఉన్నట్లు తెలిస్తే వారికి జాబ్ ఇవ్వడం కాదు మరోవైపు కంపెనీ దరిదాపుల్లోకి కూడా రావద్దు అని వార్నింగ్ ఇవ్వడం కూడా చూస్తూ ఉంటాం. కానీ ఇక్కడ మాత్రం అలా కాదు. ఏకంగా మతిమరుపు ఉన్నవారికి ఉద్యోగం ఇస్తారు. అదేంటి మతిమరుపు ఉన్న వారికి ఉద్యోగం ఇస్తే ఇక వాళ్లు ఎలా పని చేస్తారు.. వాళ్ళ మతిమరుపుతో ఏకంగా కస్టమర్లకు సైతం చిరాకు తెప్పిస్తారు కదా అంటారా.. నిజమే మతిమరుపుతో ఒకరు పెట్టిన ఆర్డర్ ని ఇంకొకరికి తెచ్చిస్తూ ఉంటారు. ఇలా చేయడంతోనే ఈ రెస్టారెంట్ బాగా ఫేమస్ అయ్యిందట.
జపాన్ లోని టోక్యోలో ఉండే రెస్టారెంట్ ఆఫ్ మిస్టేకెన్ ఆర్డర్స్ లో మతిమరుపు ఉన్న వారిని సర్వర్లుగా నియమిస్తారట. వీరిలో ఒంటరితనం తగ్గించడానికి చురుగ్గా మార్చేందుకు ఇలా చేస్తున్నారట రెస్టారెంట్ నిర్వాహకులు. ఈ ప్రత్యేకమైన కేఫ్ లో ఆర్డర్లు తప్పుగా వచ్చినా కూడా కస్టమర్లు ఆనందంగా స్వీకరిస్తూ ఉంటారట. 2017లో షిరు ఓగిని అనే వ్యక్తి దీనిని ప్రారంభించగా అటు ఆదరణ పెరగడంతో ఇలాంటివి ఏకంగా 8 రెస్టారెంట్లను ప్రారంభించారట. ఏది ఏమైనా మతిమరుపు ఉన్న వారిని ఉద్యోగులుగా పెట్టుకోవడం అంటే అది పెద్ద సాహసమే కదా.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి