ఇక ఈ మధ్య కాలంలో అయితే ఎన్నో చోట్ల వీధికుక్కలు రెచ్చిపోయి మరి ఎంతో మంది పై దాడి చేసి దారుణంగా గాయపరిచిన ఘటనలు కూడా ఎన్నో తెర మీదకు వస్తున్నాయి. ఈ క్రమంలోనే ఎంతో మంది కుక్క కాటుకు గురి అవుతున్నారు అయితే కుక్క కరిచిన తర్వాత ఎలాంటి చికిత్స తీసుకోవాలి అంటే సాధారణంగా అందరూ ఏం చెప్తారు. కొన్ని సినిమా డైలాగులు చెబుతారు. కుక్క కాటుకు గురైతే బొడ్డు చుట్టూ 14 ఇంజెక్షన్లు వేయించుకుంటారు అని చెబుతారు. అయితే నిజ జీవితానికి వస్తే మాత్రం ఇక కుక్క కాటుకు చికిత్స కాస్త డిఫరెంట్ గానే ఉంటుంది.
అయితే కుక్క కాటుకు గురైన తర్వాత గాయాన్ని ఎలా శుభ్రం చేయాలి తర్వాత డాక్టర్ దగ్గరకు వెళ్లాలా వద్దా అన్నదానిపై మాత్రం చాలా మందికి అవగాహన ఉండదు. అయితే కుక్క కాటుకు గురైతే గాయానికి ఎలాంటి కట్టుకట్టకూడదట. ప్రథమ చికిత్స లో భాగంగా గాయమైన ప్రాంతాన్ని పైనుంచి పడే నీటి ప్రవాహం కింద శుభ్రం చేయాలట. అంటే మగ్గుతో పై నుండి నీళ్లు పోస్తు గాని లేదా కొళాయి కిందకాని శుభ్రం చేయాలట. ఇక కుక్క కరిచిన తర్వాత రేబిస్ వచ్చే అవకాశం ఉంది. కాబట్టి వెంటనే డాక్టర్ను సంప్రదించి యాంటీ రేబిస్ ఇంజెక్షన్లు తీసుకోవాలట. ఇక ఇంజక్షన్లను మోతాదుని బట్టి మూడు లేదా ఐదు సార్లు తీసుకోవడం వల్ల రేబీస్ బారిన పడకుండా ఉండేందుకు అవకాశం ఉంటుందట.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి