కరోనా భయంతో ఎవరికి వారు తమ ప్రాణాలకు ముప్పు రాకుండా జాగ్రత్తపడుతుంటే ఇతను మాత్రం తన ప్రాణం పోయినా ఫర్వాలేదు నా కుక్క బతికుండాలని కోరుకుంటున్నాడు. ఈ వీడియో విషయానికి వస్తే ఇందులో కూడా హృదయాన్ని కదిలించే సన్నివేశం ఉంది.ఇన్‌స్టాగ్రామ్‌లో పోస్ట్ చేసిన ఈ వీడియో సోషల్ మీడియాలో చక్కర్లు కొడుతోంది. ఇందులో చూడటానికి పేద కుటుంబానికి చెందినట్లుగా ఉన్న పెద్దవయసు వ్యక్తి ఒకరు,తన భుజాల మీద ఒక కుక్కను ఎత్తుకుని వెళ్తున్నాడు.
అలాగే ఆ శునకం మూతికి మాస్క్ వేసి ఉంది. కానీ ఆ కుక్కని ఎత్తుకుని ఉన్నా వ్యక్తి మాత్రం మాస్క్ లేదు . ఈ వీడియో తీసిన వ్యక్తి దీని గురించే అడుగుతాడు. కుక్క పేరు ఏంటి అంటే గురూ అని చెబుతాడు. అలాగే కుక్కకి మాస్క్ వేసి, నువ్వెందుకు వేసుకోలేదని అడుగుతాడు. ఆ బాటసారి హిందీలో సమాధానం చెబుతూ, `ఇది నా బిడ్డ. నాకు ఏం జరిగినా ఫర్వాలేదు గానీ వీడికి మాత్రం ఎలాంటి హానీ జరగకూడదు` అంటాడు. నేను చచ్చిపోయినా, నా కుక్కను మాత్రం చచ్చిపోనివ్వను` అనే ఇతని మాటలు మనసుకు హత్తుకుంటున్నాయి.పెంపుడు జంతువుల పట్ల ఇతను చూపించే ప్రేమ పట్ల అందరు ఆకర్షితులవుతున్నారు..
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి