ఈ ప్రాజెక్టుపై కొర్రీలు వేసిన ఒడిశా ఏపీ ప్ర‌భుత్వం చెప్పిన విధంగా 106 ఎకరాల్లో ప్రాజెక్టు నిర్మించ‌డం సాధ్యం కాద‌ని.. ఏపీ ప్ర‌భుత్వం ప్రాజెక్టుకు సంబంధించిన స‌మ‌గ్ర ప్లాన్ కూడా ఇవ్వ‌లేద‌ని ఆరోపించింది. ఈ వివాదంపై దాఖలు అయిన రెండు ఐఎలపై విచారణ అనంతరం వంశధార ట్రైబ్యునల్ తుది ఉత్తర్వులు వెలువరించింది. అయితే ప్రాజెక్టు నిర్మాణానికి కావాల్సిన భూసేక‌ర‌ణ విషయంలో ఒడిశా అభ్యంత‌రం వ్య‌క్తం చేయ‌డంతో ఆ భూసేక‌ర‌ణ బాధ్య‌త ఒడిశా ప్ర‌భుత్వం మీదే పెట్టి షాక్ ఇచ్చింది.
ప్రాజెక్టు నిర్మాణంతో పాటు ఆపరేషన్, మెయింటినెన్స్‌, నీటి పంపకాల విషయంలో విభేదాల పరిష్కారానికి ఒక అప్పీల్‌ అథారిటీ ఏర్పాటు చేయాలని, నీటి పంపకాల్లో స్పష్టత కావాలని కేంద్రం మరో ఐఎ దాఖలు చేసింది. ఇక ఈ వివాదాలు, విబేధాల‌ను ప‌రిష్క‌రించే బాధ్య‌త‌ను కేంద్ర జలశక్తి, జలసంఘం అధికారులపై పెట్ట‌డంతో పాటు కేంద్ర జలశక్తి శాఖ కార్యదర్శికి సమీక్షించే అధికారం ఉందని ట్రిబ్యునల్ చెప్పింది. ఇక వంశధార నదీ జలాలను ఇరు రాష్ట్రాలు చెరి సగం వాడుకోవాల్సి ఉంది. 115 టీఎంసీల అంచ‌నాల‌తో గ‌తంలోనే ఈ ఒప్పందం కుదిరింది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి