ఎన్‌ఐటి, ఐఐటి, ఐఐఎస్‌ఈఆర్‌ ల ఏర్పాటు కోసం అంచనా వ్యయం 3099.29 కోట్లు.. అందులో 46.89 శాతం ఇచ్చామని కేంద్రం తెలిపింది. తిరుపతి ఐఐఎస్‌ఈఆర్‌కు మూలధన వ్యయం 1137.16 కోట్లుగా ఉంటే.. నిర్వహణ ఖర్చులకు 354.18 కోట్లు కలిపి 1491.34 కోట్లుగా అంచనా వేశారట. దీనికి ఇప్పటివరకు 33.17శాతం అంటే.. 494.80 కోట్లు ఇచ్చిందట కేంద్రం.. అలాగే తిరుపతి ఐఐటికి 1074.40 కోట్లకు 49.18శాతం అంటే.. 528.42 కోట్లు ఇచ్చిందట కేంద్రం.. అలాగే తాడేపల్లిగూడెం వద్ద నెలకొల్పుతున్న ఎన్‌ఐటికి 533.55 కోట్లు ఇవ్వాల్సి ఉంటే.. ఇప్పటి వరకూ 80.64శాతం అంటే 430.29కోట్లు ఇచ్చినట్లు కేంద్రం సమాధానం చెప్పింది.
ఇక ఎన్‌ఐటి 604 మంది విద్యార్దుల ఇన్‌టేక్‌ సామర్ధ్యంతో ప్రస్తుతం శాశ్వత భవనంలో కొనసాగుతోందట. తిరుపతి ఐఐటి 2019-20లో ఇన్‌టేక్‌ 191 మందితో ఇన్‌టేక్‌ సామర్ధ్యంతో తాత్కాలిక క్యాంపస్‌లో నడుస్తుందట. తెలంగాణ, ఆంధ్రప్రదేశ్లో ఒకేసారి గిరిజన విశ్వవిద్యాలయాలు ఏర్పాటు చేయాలని అనుకున్నారట. కానీ.. తెలంగాణ ప్రభుత్వం భూకేటాయింపులో జాప్యం చేయడంతో సంస్థలు నెలకొల్పడం ఆలస్యం అయ్యిందని కేంద్రం చెబుతోంది.
ఏపీలో కేంద్రీయ, గిరిజన విశ్వవిద్యాలయాలు ఇప్పటికే ఏర్పాటయ్యాయని చెప్పిన కేంద్రం.. ఏపీతోపాటు గిరిజన యూనివర్సిటీ ప్రారంభించినా.. రాష్ట్ర ప్రభుత్వం భూకేటాయింపులో జాప్యం చేసిందట. ములుగు జిల్లాలో 512.47 ఎకరాల భూమిని చూపడంతో కేంద్ర విద్యా శాఖ ఆధ్వర్యంలోని ఎంపిక కమిటి పరిశీలించిందట. కానీ.. అప్పటికే అక్కడ ఉన్న ఆక్రమణలను మాత్రం తొలిగించలేదట.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి