ప్రస్తుతం ఆఫ్ఘనిస్తాన్ ను తమ వశం చేసుకుని అరాచకాలు సృష్టిస్తున్న తాలిబన్లకు అటు ఆఫ్ఘనిస్థాన్లోని పంజ్ షేర్ ప్రాంతం మాత్రం ఇంకా స్వాధీనం కాలేదు అనే విషయం తెలిసిందే. ఆ ప్రాంతంలో ఉన్న తిరుగుబాటుదారులు శాలిబండ కు తల వంచేది  లేదు అంటూ స్పష్టం చేశారు. తాలిబన్లతో యుద్ధం చేసేందుకు సిద్ధంగా ఉన్నాము కానీ వారికి లొంగిపోయి బానిసలుగా బతకడానికి మాత్రం సిద్ధంగా లేము అంటూ చెబుతున్నారు.  ఈ క్రమంలోనే అటు తాలిబన్లకు ఊహించని షాక్ తగులుతుంది. అయితే పంజ్ షేర్ తిరుగుబాటుదారులకు ప్రజల నుంచి కూడా పూర్తిస్థాయి మద్దతు అందుతుండటంతో తాలిబన్లు ఇప్పటికీ కూడా పంజ్ షేర్ ప్రాంతాన్ని తమ అధీనంలోకి తెచ్చుకో లేకపోయారు.



 కాగా ఇప్పటి వరకు తాలిబన్లు పలుమార్లు పంజ్ షేర్ ప్రాంతాన్ని స్వాధీనం చేసుకునేందుకు దాడి చేశారు. కానీ అక్కడి తిరుగుబాటుదారుల దెబ్బకు ఇక తాలిబన్లు తోకముడుచుకోవాల్సిన పరిస్థితులు ఏర్పడ్డాయి.  ఇక ఇటీవలే మరో సారి అల్ఖైదా తీవ్రవాదుల తో చేతులు కలిపి తాలిబన్లు పంజ్ షేర్ ప్రాంతాన్ని స్వాధీనం చేసుకునేందుకు సిద్ధమయ్యారు. ఈ క్రమంలోనే పంజ్ షేర్ తిరుగుబాటుదారులు తాలిబన్ల మధ్య తీవ్రస్థాయిలో యుద్ధం జరుగుతోంది.  ఇకపోతే ఇటీవలే తాము పంజ్ షేర్ ప్రాంతంపై ఆధిపత్యం సాధించాము అంటూ కాబూల్లో తాలిబన్లు సంబరాలు చేసుకున్నారు. కానీ  తాము ఇంకా యుద్ధం కొనసాగిస్తున్నామని తాలిబన్లకు లొంగిపోయే ప్రసక్తి లేదు అంటూ అటు వెంటనే తిరుగుబాటుదారుల స్టేట్మెంట్లు ఇచ్చారు.



 ఇకపోతే ప్రస్తుతం ఆఫ్ఘనిస్థాన్లోని పంజ్ షేర్ ఆక్రమించుకోవడానికి వెళ్లిన తాలిబన్లకు భారీ ఎదురు దెబ్బ తగిలినట్లు ప్రస్తుతం టాక్ వినిపిస్తోంది. ఇటీవల శనివారం రోజున పంజ్ షేర్ లోని వివిధ జిల్లాలో ఏకంగా ఆరు వందల మంది తాలిబన్లను అక్కడి తిరుగుబాటుదారులు హతమార్చినట్లు తెలుస్తోంది  ఇక మరో వెయ్యిమందికి పైగా తాలిబన్లను బందీలుగా మార్చుకున్నారట తిరుగుబాటుదారులు. ఇక ఈ విషయాన్ని స్పుత్నిక్ మీడియా వెల్లడించింది. ఇక ఇదే విషయాన్ని పంజ్ షేర్ తిరుగుబాటుదారుల ప్రతినిధి ఫహీమ్ వెల్లడించారు.  కాగా ప్రస్తుతం తాలిబన్లు పంజ్ షేర్ తిరుగుబాటుదారుల మధ్య ఇంకా యుద్ధం కొనసాగుతూనే ఉంది.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Taliban

praveen

05/09/2021 01:30 PM