దేశ రాజ‌కీయాలు ఎలా ఉన్నా మోడీ మాత్రం కొన్ని విష‌యాల్లో కొందరిని ప్రోత్స‌హిస్తారు. ఆంధ్రా నాయ‌కుల‌లో కొందరిని బాగా ఇష్ట‌ప‌డ‌తారు. టీడీపీ ఎంపీల‌లో కింజ‌రాపు రామ్మోహ‌న్ నాయుడు (శ్రీ‌కాకుళం ఎంపీ) బాగా అభిమానిస్తారు. ప్ర‌త్యేక జోన్ (రైల్వేల‌కు సంబంధించి విశాఖ కేంద్రంగా జోన్ ఏర్పాటు చేయాల‌న్న డిమాండ్ ఏనాటి నుంచో ఉంది) విష‌య‌మై పార్ల‌మెంట్ లో రామూ మాట్లాడినా, లేదా ప్ర‌ధాన స‌మ‌స్య‌ల‌పై ఆయ‌న గొంతెత్తినా మోడీ నుంచి సానుకూల స్పంద‌నే వ‌స్తుంది. ఈ రోజు బాగా మాట్లాడావు వెల్డ‌న్ అని చెబుతారు అని సమాచారం. ముఖ్యంగా యువ ఎంపీల‌ను మోడీ బాగా ప్రోత్స‌హిస్తారు. వారు చెప్పేవి కాస్త వింటారు. వెంట‌వెంట‌నే కొన్నింటికి ప‌రిష్కారం ఇవ్వ‌లేక‌పోయినాచ సంబంధిత ప్రాంత స‌మ‌స్య‌ల‌పై వారికున్న అవగాహ‌న ఏంట‌న్న‌ది ప‌రిశీలిస్తారు. మోడీ అన్నింటా కాకున్నా కొన్నింట బాగానే ఉంటారు. సామాన్యుల విజ‌యాల‌పై ఆయ‌న‌కు ఆస‌క్తి ఉంది. అయితే వారిని ప్రోత్స‌హించేందుకు స్థానిక నాయ‌క‌త్వాల‌కు ఆయ‌న దిశా నిర్దేశం చేయాలి కానీ చేయ‌రు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి