ఇంకా చెప్పాలంటే వైసీపీలో బొత్స స‌త్య‌నారాయ‌ణ ఇమ‌డ లేక పోతున్నారు. పేరుకు మంత్రి అయిన‌ప్ప‌టికీ ఎక్క‌డా ఎవ్వ‌రితోనూ ఏ ప‌నీ చేయించ లేకపోతున్నారు. గ‌తంలో క‌న్నాభిన్నంగా రాజ‌కీయ వాతావ‌ర‌ణం ఉండ‌డంతో తానేం చేయాలో, తన బాధ ఎవ‌రికి చెప్పాలో అన్నది తెలియ‌క తిక‌మ‌క‌ప‌డుతున్నారు. తాను నేరుగా విజయ్ సాయి రెడ్డిని ఎదుర్కోలేక అవ‌స్థ‌ప‌డుతున్నా రు. కొన్ని సంద‌ర్భాల్లో సీఎంతో నేరుగా విభేదించిన ఘ‌ట‌న‌లు ఉన్న‌ప్ప‌టికీ తన ప్రాధాన్యం మాత్రం నిలుపుకోలేక‌పోతున్నారు . వైఎస్ హ‌యాంలో ఎంతో ఉన్న‌తి సాధించిన బొత్స ఇప్పుడు ఏమీ చేయ‌లేని నిస్స‌హాయుడిగా ఉండిపోవ‌డం వెనుక కారణం సాయి రెడ్డి మాత్ర‌మే! దీంతో ఉత్త‌రాంధ్ర ప‌రిణామాల‌పై ఎన్న‌డూ లేని విధంగా అసంతృప్త‌త వ‌స్తోంది. ఏ అధికారి కూడా తన మాట వినే ప‌రిస్థితిలో లేడ‌ని కూడా బొత్స వ్యాఖ్యానిస్తున్నార‌ని తెలుస్తోంది. దీంతో విజయ్ సాయి రెడ్డి పై తిరుగుబాటు చేయ‌లేక, అలా అని వైసీపీని వ‌దులుకోలేక బొత్స నానా అవ‌స్థ‌లూ ప‌డుతున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి