ఇంతకీ ఆ చేదు నిజం ఏంటి తెలుసా.. మనిషిలో ప్రత్యేకించి మగాళ్లలో ప్రత్యుత్పత్తి సామర్థ్యం క్రమేపీ తగ్గిపోతోందట. ఆధునిక జీవనంలో అనేక రకాల ఒత్తిళ్ల కారణంగా మానవ పునరుత్పత్తి సామర్థ్యం తగ్గిపోతోందట. ఆ తగ్గడం కూడా ఏదో కాస్తో కూస్తో కాదట.. గణనీయంగా తగ్గిపోతోందట. మరి ఈ విషయం ఎలా వెలుగు చూసిందంటారా.. ప్రపంచ పెద్దన్న అగ్ర రాజ్యం అయిన అమెరికా జనాభా లెక్కల కోసం ఓ బ్యూరోని ఏర్పాటు చేసింది. ఈ అమెరికా సెన్సెస్ బ్యూరో ఏటా ప్రపంచ జనాభాపై అంచనాలు రూపొందిస్తుంటుంది.
ఈ సంస్థ అధ్యయనంలో 2021లో ప్రపంచ జనాభా భారీగానే పెరిగినట్లు తెలిందట. 2022 జనవరి 1 నాటికి ప్రపంచ జనాభా 780కోట్లుగా ఉంటుందని ఈ అమెరికా సెన్సస్ బ్యూరో చెబుతోంది. ఇంకా క్లారిటీగా చెప్పాలంటే.. 2021 జనవరి 1 నుంచి 2021 డిసెంబర్ 31 మధ్య ప్రపంచ జనాభా ఏడున్నర కోట్లు పెరిగిందట. ఇంకా సగటున చెప్పాలంటే.. ప్రపంచవ్యాప్తంగా ఈ ఏడాదిలో ప్రతి సెకనుకు 4.3 మంది పుట్టారట. అలాగే ప్రతి సెకనుకు ఇద్దరు మరణించారట. అందుకే ప్రపంచ జనాభా ఏడున్నర కోట్లకు పెరిగిందన్నమాట.
అయితే ఈ పెరుగుదల బాగానే పైకి కనిపిస్తున్నా..ఇది వాస్తవంగా ఉండాల్సినంత ఉండటం లేదట. ఈ రేటు కారణంగా ముందు ముందు భూమిపై జనాభా తగ్గే ప్రమాదం కూడా ఉందట. ఈ శతాబ్దపు ప్రపంచ జనాభా 2064లో అత్యధికంగా ఉంటుందట. ఆ తర్వాత నుంచి తగ్గడం మొదలవుతుందట. అలా శతాబ్దం చివరి నాటికి జనాభాలో 50% తగ్గుదల కనిపిస్తుందట. మనిషిపై పెరుగుతున్న ఒత్తిళ్లే ఈ తగ్గుదలకు కారణమట.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి