ఇక్కడ ఇలాంటిదే జరిగింది. ఆర్టీసీ బస్సులో ప్రయాణం క్షేమం అని అనుకుని ఆర్టీసీ బస్సులో ప్రయాణం చేశారు. కానీ అదే ఇప్పుడు కొత్త భయానికి దారితీసింది. ఆర్టీసీ బస్సులో కండక్టర్ గా పని చేస్తున్న ఓ మహిళ కరోనా వైరస్ బారిన పడింది.దీంతో అందరూ ఒక్కసారిగా భయాందోళనకు గురయ్యారు. అయితే ఆ కండక్టర్ అప్పటివరకు ఎంతో మందికి తన చేతులతోనే టికెట్ అందించడం ప్రయాణికులకు చిల్లర ఇవ్వడం లాంటివి చేసింది. దీంతో బస్సులో ప్రయాణిస్తున్న ప్రయాణికులు అందరూ కూడా ప్రస్తుతం ఆందోళనలో మునిగిపోయారు. ఈ ఘటన ఆదిలాబాద్ జిల్లా చెన్నూరు లో వెలుగులోకి వచ్చింది.. చెన్నూరు లోని ఓ మహిళా కండక్టర్ కరోనా వైరస్ సోకడం ప్రస్తుతం ఆందోళనకరంగా మారిపోయింది..
హన్మకొండ చెన్నూరు ఆర్టీసీ బస్సులో కండక్టర్ గా విధులు నిర్వహిస్తుంది ఓ మహిళ. ఇటీవలే ఎప్పటిలాగానే విధులకు హాజరు అయింది. ఇక ఆమెకు ఎక్కడా వైరస్ లక్షణాలు కూడా లేవు. ఎంతో ఆరోగ్యంగా ఉంది. కానీ ఇటీవలే బస్సు దిగిన తర్వాత బస్సు డ్రైవర్ తో కలిసి టీ తాగింది ఆ మహిళ కండక్టర్. ఈ క్రమంలోనే సరదాగా దగ్గరలో ఉన్న ఓ కరోనా నిర్ధారణ పరీక్ష కేంద్రం వద్దకు వెళ్లి ఎలాంటి లక్షణాలు లేకపోయినప్పటికీ కరోనా వైరస్ టెస్ట్ చేయించుకుంది.. ఇక ఈ పరీక్షలో షాకింగ్ నిజం బయటపడింది. సదరు మహిళ వైరస్ బారిన పడిందన్న విషయం తేలింది. దీంతో ఇక ఆ బస్సులో ప్రయాణించిన ప్రయాణికులు అందరూ కూడా ఆందోళనలో మునిగిపోయారు .
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి