అయితే.. ఇదంతా ప్రశాంత్ కిషోర్ డైవర్షన్‌ స్కీమ్‌లో భాగమేనని తెలుగు దేశం ఆరోపణలను తిప్పి కొడుతోంది. చిలకలూరిపేటలో మాజీ మంత్రి పత్తిపాటి పుల్లారావు మీడియా సమావేశం పెట్టి మరీ ఈ విషయాన్ని ఖండించారు. జంగారెడ్డిగూడెంలో నాటుసారా మరణాలన్నీ ప్రభుత్వ హత్యలేనన్న ప్రత్తిపాటి పుల్లారావు... ప్రభుత్వ చేతగానితనం, అసమర్ధత వల్లే 25 మంది మృతి చెందారన్నారు. ఒక అంశాన్ని డైవర్ట్ చేయడానికి వైకాపా ప్రభుత్వం మరో అంశాన్ని తెరపైకి తెస్తోందన్న ప్రత్తిపాటి.. పెగాసెస్ అంశం అప్పటి డిజిపి సవాంగ్ ఏమీ లేదని తేల్చాడని గుర్తు చేశారు.
ఒక వేళ చంద్రబాబు ఆ స్పైవేర్ కొంటే.. మూడేళ్లు ఏం చేశారు నిద్రపోతున్నారా గాడిదలు కాస్తున్నారా అంటూ ప్రత్తిపాటి మమతా బెనర్జీ తీరును విమర్శించారు. ప్రశాంత్ కిషోర్ డైరెక్షన్ లో మిమ్మల్ని ప్రజలు ఇంటికి పంపించేందుకు సిద్ధంగా ఉన్నారని ప్రత్తిపాటి అంటున్నారు. మద్యం ధరలు పెంచడంతో నాటుసారా అన్ని జిల్లాల్లో వ్యాపించిందని.. మద్యనిషేధం హామీ మరచి... నాసిరకం మద్యం బ్రాండ్లతో ప్రజల ప్రాణాలతో చెలగాటం ఆడుతున్నారని ప్రత్తిపాటి విమర్శించారు.
తాజాగా మచిలీపట్నంలో వైసీపీ నేత వేధింపులతోనే నాగలక్ష్మి బలైందని మాజీ మంత్రి ప్రత్తిపాటి ఆరోపించారు. యడ్లపాడు మండలం బోయపాలెం లో అంగన్వాడీ ఆయాను వైకాపా నాయకుడు వేధించాడని.. తాడేపల్లిలో కూర్చున్న జగన్మోహన్ రెడ్డికి ఈ దుర్మార్గాలు కనబడటం లేదా అని మాజీ మంత్రి ప్రత్తిపాటి ప్రశ్నించారు. మూడేళ్లుగా వైకాపా ప్రజా ప్రతినిధులు ఏ విధంగా బెదిరింపులకు పాల్పడ్డారో ప్రజలకు తెలుసన్న ప్రత్తిపాటి... ఇప్పుడు ప్రజల దగ్గరికి ఏ మొహం పెట్టుకుని వెళతారని ప్రశ్నించారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి