ఎలాగూ బీజేపీతో రాజకీయ యుద్ధం సాగిస్తూనే ఉన్న కేసీఆర్.. ఇప్పుడు ధాన్యం విషయంలో తగ్గేదే లేదంటున్నారు. అయితే.. మొన్నటికి మొన్న.. మేం తెలంగాణలో పండే ధాన్యం అంతా కొంటాం.. కొనడం లేదని మీకు ఎవరు చెప్పారు అని స్వయంగా పీయూష్ గోయల్ సమాధానం ఇచ్చారు.. దీంతో గొడవ దాదాపు ఓ కొలిక్కి వచ్చిందని అంతా భావించారు. కానీ ఇప్పడు సీన్ మళ్లీ మొదటికి వస్తోంది. ఎందుకంటే ఇప్పడు పీయూష్ గోయల్ మరోసారి తేడాగా మాట్లాడారు.
పీయూష్ గోయల్ ఏమంటున్నారంటే.. రాష్ట్రాల్లో ఉత్పత్తి ఆధారంగా ధాన్యం సేకరణ సాధ్యపడదట. లోక్‌సభలో పలువురు సభ్యులు అడిగిన ప్రశ్నలకు కేంద్ర మంత్రులు పీయూష్ గోయల్, సాధ్వి నిరంజన్‌ జ్యోతి ఈ విధంగా లిఖిత పూర్వకంగా జవాబిచ్చారు. ధాన్యం సేకరణ అంశంలో అనేక అంశాలు ముడిపడి ఉంటాయని వారు చెబుతున్నారు. వాటిలో కనీస మద్దతు ధర, డిమాండ్, సరఫరా, మార్కెట్లో ఉన్న ధరలు, ఇతర పరిస్థితులు ఉంటాయని.. వాటి ఆధారంగానే సేకరణ ఉంటుందని తెలిపారు.
గోధుమలు, వరి ధాన్యాన్ని నిర్దిష్ట పరిధి, నాణ్యతతో సేకరిస్తామని పీయూష్ గోయల్ వివరించారు. ఎఫ్‌సీఐతో చర్చించిన తర్వాత ప్రణాళిక రూపొందించిన దాని ప్రకారం ధాన్యాన్ని సేకరిస్తామని పీయూష్ గోయల్ అంటున్నారు. దీంతో మరోసారి కేంద్రం, తెలంగాణ మధ్య రైస్ వార్ ముదిరే అవకాశాలు స్పష్టంగా కనిపిస్తున్నాయి. చూడాలి ఏం జరుగుతుందో.. ఈ ధాన్యం వివాదం ఎలా ముగుస్తుందో?
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి