వివరాల్లోకి వెళితే.. పార్వతి పురం లో ని నాయుడు వీధి లో ఉన్న ఇప్పల పోలమ్మ గుడి దగ్గర ప్రస్తుతం ఒక ప్రచారం హల్ చల్ చేస్తుంది. ప్రస్తుతం ఏ పండుగ లేకపోయినప్పటికీ జాతర కంటే ఎక్కువ మంది ఆ గుడి చుట్టూ చేరారు. ఈ క్రమంలోనే గుడిలో నుంచి వస్తున్న వింత శబ్దాలను చూస్తూ ఒక్కసారిగా ఆశ్చర్యపోయారు. ఇక లోపల ఏం జరుగుతుందో అని చూసేందుకు ఒకరినొకరు తోసుకుంటూ వెళుతూ ఉండడం గమనార్హం. గత కొన్ని రోజుల నుంచి ఆ గుడిలో వింత శబ్దాలు వస్తున్నాయని ప్రచారం ఊపందుకుంది. చివరికి ఆ చెవిన ఈ చెవినా పడి ఆ ఊరిలో మాత్రమే కాదు పక్క ఊరికి కూడా చేరిపోయింది. దీంతో భారీ మొత్తంలో జనాలు గుడి వద్దకు చేరుకుంటూ ఉండడం గమనార్హం.
అయితే గుడిలో పసుపు వాసనతో పాటు గాజులు గజ్జెల మోతలు కూడా వినిపిస్తున్నాయని స్థానికులు అంటున్నారు. అయితే ఇప్పల పోలమ్మ ఎంతో శక్తివంతమైన దేవత అని భక్తులు ప్రగాఢంగా విశ్వసిస్తుంటారు. ఇక అప్పుడప్పుడు ఊరులో ఉన్న కొంతమంది పూనకం వచ్చి ఇక అమ్మవారు వారికి కావలసింది అడిగి చేయించుకుంటుందని స్థానికులు కూడా చెబుతుండడం గమనార్హం. ఇప్పటి వరకూ అక్కడ జాతర జరగాల్సి వుంది. కానీ జాతర లేటయింది. అందుకే అమ్మవారు ఇలా సంకేతాలు పంపింది అని కొంత మంది భక్తులు చెబుతున్నారు. ఏదో అరిష్టం జరగబోతున్నదని మరికొంత మంది భావిస్తున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి