పార్టీ జోనల్‌ ఇంఛార్జ్‌ బీద రవిచంద్ర నేతృత్వంలోని టీడీపీ నేతల బృందం ఈపాటికే కోడుమూరులో ప్రభాకర్, మంత్రాలయంలో తిక్కారెడ్డితో చర్చలు నెరిపినట్టు విశ్వసనీయ వర్గాల సమాచారం. ఈ నేపథ్యంలో తనకు అన్యాయం జరిగిందంటూ తిక్కారెడ్డి, ప్రభాకర్ అందరి ముందు శివమెత్తినట్టు తెలుస్తోంది. ఇవాళ కూడా కోడుమూరు టీడీపీ నేత ప్రభాకర్ ను బుజ్జగించేందుకు బీద రవిచంద్ర యాదవ్ టీమ్‌ వెళ్లగా.. ఆయన అందుబాటులో లేకపోవడంతో వెనుదిరాగాల్సి వచ్చింది. అయితే, ఆయన కావాలనే ఆ బృందాన్ని కలవలేదని ఇన్సైడ్ వర్గాలు మాట్లాడుకుంటున్నాయి.
లోగుట్టు పెరుమాళ్ళకెరుక గానీ మరోవైపు కోడుమూరు టికెట్‌ను అమ్ముకున్నారని బీదరవి చంద్రపై టీడీపీ కార్యకర్తలు ఆగ్రహం వ్యక్తం చేశారని సమాచారం. మరోవైపు.. ఆలూరు టికెట్ తనకివ్వలేదని, తనను కలసే ప్రయత్నం మనుకొమ్మని బీద రవిచంద్ర యాదవ్‌కు, కోట్ల సుజాతమ్మ సూటిగానే సమాధానం చెప్పిందని ప్రచారం సాగుతోంది. ఇన్ని అవకతవకల మధ్య పచ్చ పార్టీ ఎటువంటి దారుణాలను చవిచూడాల్సి వస్తుందో అని కార్యకర్తలు తెగ మధనపడిపోతున్నారు. మరి ఎన్నికల నాటికి అన్నీ సర్దుకుంటాయా? నేతలు రెబల్స్‌గానే బరిలోకి దిగుతారా? అనేది ఇపుడు ఉత్కంఠగా మారిపోయింది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి