అయితే పార్లమెంట్ ఎన్నికల నేపథ్యంలో అన్ని రాష్ట్రాలలో కూడా ప్రస్తుతం హడావిడి నెలకొంది. ఇక ఓటరు మహాశయులను ఆకట్టుకోవడమే లక్ష్యంగా ఆయా పార్టీల నుంచి బరిలోకి దిగుతున్న ఎంపీ అభ్యర్థులు అందరూ కూడా తెగ హామీలు కురిపిస్తున్నారు. ఇక ఎప్పుడు ప్రజల్లో తిరుగుతూ ప్రచారంలో మునిగి తేలుతూ ఉన్నారు. అయితే ఇలా ప్రచారం చేస్తున్నవారు ఎవరైనా ఓటర్లను ఆకట్టుకునేందుకు బ్రతిమలాడడం లేదంటే హామీలు ఇవ్వడం చేస్తుంటారు. ఇంకొంతమంది రహస్యంగా డబ్బులు పంచడం లాంటివి కూడా చేస్తూ ఉంటారు.
కానీ ఇక్కడ ఒక ఎంపీ అభ్యర్థి మాత్రం ఓటర్లకు డైరెక్ట్ గా వార్నింగ్ ఇచ్చారు. నాకు ఓటు వేయండి లేదంటే మీ సంగతేంటో చూస్తాను అంటూ ఇక సభలోనే డైరెక్టర్ వార్నింగ్ ఇవ్వడం సంచలనంగా మారిపోయింది. యూపీలోని ఒక ఎంపీ అభ్యర్థి ఇలా ఓటర్లకు వార్నింగ్ ఇచ్చారు. బదాయ నియోజకవర్గం నుంచి సమాజ్వాది పార్టీ అభ్యర్థిగా పోటీ చేస్తున్న శివపాల్ యాదవ్ ఒక సభలో పాల్గొన్నారు. మాకు ప్రతి ఒక్కరి ఓటు కావాలి.. మీరు ఓటు వేస్తే సరి.. లేకపోతే ఆ లెక్క తర్వాత చూసుకుంటా అంటూ మాస్ వార్నింగ్ ఇచ్చాడు శివపాల్ యాదవ్. ఇక ఇందుకు సంబంధించిన వీడియో సోషల్ మీడియాలో వైరల్ గా మారింది. అయితే ఈ వీడియో పై స్పందించిన శివ పాల్ తన పాత వీడియోని కొంతమంది కావాలనే ఎడిట్ చేసి ఇప్పుడు సోషల్ మీడియాలో వైరల్ చేస్తున్నారు అంటూ వివరణ ఇచ్చాడు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి