ఉత్తరాంధ్ర నుంచి గోదావరి వరకు.. అలాగే కోస్తా జిల్లాల మంత్రులు కూడా ఈ విషయాలను ఒప్పుకుంటున్నారు. గుంటూరు జిల్లా మంత్రి అంబాటి రాంబాబు కూడా ఇదే విషయాన్ని తెలియజేస్తున్నారు. ముఖ్యంగా మేనిఫెస్టోలో ఇచ్చిన హామీలను సైతం తాము నెరవేర్చామని జూన్ 4న ఫలితాలు వస్తాయని.. అందులో చంద్రబాబు ఓడిపోవడం ఖాయమని పలువురు నేతలు తెలియజేస్తున్నారు. ఇలాంటి సమయంలోనే చంద్రబాబు జైలుకు వెళ్లడం కూడా ఖాయమని తెలియజేస్తున్నారు అంబటి రాంబాబు. కచ్చితంగా తాను సత్తెనపల్లిలో మంచి మెజారిటీతోనే గెలుస్తానంటూ వెల్లడించారు.
తనమీద నిలబడేందుకు అభ్యర్థి లేక.. చంద్రబాబును ఎన్నో మాటలు అన్నారని అవన్నీ మరచి బాబు పక్కన పెట్టి మళ్ళీ తన మీద లక్ష్మీనారాయణను తెచ్చి పోటీకి పెట్టారని.. అక్కడ తనను గెలిపించండి అని కోరడం చాలా విడ్డూరంగా ఉందని మాట్లాడారు. విజయనగరం జిల్లా విషయానికి వస్తే.. బొత్స సత్యనారాయణ.. మరొకసారి వైసీపీ అధికారంలోకి వస్తుందని దేశంలో ఎన్ని రకాలైన సంక్షేమ పథకాలు అమలు చేసిన ప్రభుత్వం మాదే అంటూ తెలిపారు. కూటమిలో కొత్త కుట్రలు కూడా పురుడు పోసుకుంటున్నాయని బొత్స తెలియజేశారు.
అలాగే అమలాపురం జిల్లాకు చెందిన మంత్రి పినిపే విశ్వరూప్ కూడా ఈసారి అధికారంలో వైసీపీ పార్టీనే వస్తుందంటూ వెల్లడించారు. సీఎం జగన్మోహన్ రెడ్డి అందించిన పథకాలే తనకు అండగా నిలబడతాయని ధైర్యంగా చెప్పగలుగుతున్నామని తెలిపారు. పల్లెలలో పట్టణాలలో వ్యత్యాసం లేకుండా అన్నిచోట్ల కూడా వైసిపి పాలనకు మద్దతు కనిపిస్తోందని విశ్వరూప్ వెల్లడించారు. ఈ విషయాన్ని మరొక నేత కారుమూరు నాగేశ్వరరావు కూడా తెలియజేశారు. గోదావరి జిల్లాలో వైసీపీకి ఎదురులేదని వెల్లడించారు. శ్రీకాకుళం మంత్రి ధర్మాన ప్రసాదరావు వైసీపీ హయాంలో జరిగిన అభివృద్ధి ఏ ప్రభుత్వంలో కూడా జరగలేదని వెల్లడించారు.. కచ్చితంగా ఈసారి సీఎం జగన్ అవుతారని తెలుపుతున్నారు. ఇలా నేతలంతా ఈసారి పార్టీ వైసీపీ వస్తుందని ధీమా వ్యక్తం చేస్తూ ఉండడంతోపాటు జగన్ కూడా ఇదే ధీమాతో ఉన్నారు.. ముఖ్యంగా కూటానికి భయపడే ప్రసక్తి లేదని వైసిపి నాయకులు చెబుతున్నారు. మరి ఈ మంత్రులు చెప్పిన మాటలు ఫలిస్తాయో లేదో చూడాలి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి