విషయం అందరికీ తెలిసిందే, కూటమి పేరుతో టికెట్ల డ్రామా ఆడిన చంద్రబాబు.. ఆ పార్టీ సీనియర్లకు మొండి చేయి చూపిన సంగతి విదితమే. అందువలన సామాజిక వర్గాల ప్రతిపాదికన కూడా వారికి టికెట్లు ఇవ్వకపోవడం దారుణమంటూ కొందరు బహిరంగంగానే అసంతృప్తి వెల్లగక్కారు. ఈ క్రమంలో చాలాచోట్ల ఆ పార్టీ నేతలు స్వతంత్రంగా పోటీ చేసేందుకు ముందుకు వచ్చారు. ఇక నామినేషన్ల ఉపసంహరణకు ఇంకా ఏప్రిల్‌ 29 వరకు గడువు ఉండడంతో.. వారిని బుజ్జగించే ప్రయత్నాలు జరుగుతున్నాయి. దానికి చివరి అస్త్రంగా ఈ ఎన్నికల్లో తమకు పని చేస్తున్న పీకేతో.. ఆ రెబల్స్‌కు చంద్రబాబు ఫోన్లు చేయిస్తున్నట్టు వినికిడి. ఈసారి ఎన్నికల్లో గెలుపు కష్టంగా ఉందని, పోటీ నుంచి తప్పుకుని కాస్తైనా పార్టీకి సహకరించాలని పీకే ఇప్పుడు వాళ్లను బతిమాలుతున్నట్లు గుసగుసలు వినబడుతున్నాయి.
అలా నామినేషన్లు వెనక్కి తీసుకున్న యెడల దానికి బదులుగా పార్టీ సముచిత స్థానం కల్పిస్తుందని, అవసరమైతే పదవులు కూడా ఇస్తుందని పీకే వారిని మభ్యపెట్టే యత్నం చేస్తున్నారట. అయితే.. ఈ క్రమంలోనే టీడీపీ నేతల నుంచి పీకేకు దిమ్మతిరిగే సమాధానాలు వస్తున్నట్లు తెలుస్తోంది. టీడీపీ అధిష్టానంనకు బదులుగా ఫోన్లు చేయడానికి మీరెవరంటూ ప్రశాంత్‌ కిషోర్‌ను వాళ్లు నిలదీస్తున్నారని సమాచారం. అంతేకాదు.. టీడీపీ ఇంకా అధికారంలోకే రాలేదని, అధికారంలోకి వచ్చేది అనుమానాలు ఉన్నప్పుడు పదవులు ఇస్తామని మీరెలా చెబుతున్నారంటూ నిలదీశారట. దీంతో భంగపడ్డ పీకే.. ఆ ఫోన్‌ సంభాషణల సారాంశాన్ని చంద్రబాబుకు చెప్పుకుని ఫీలైనట్లు తెలుస్తోంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి