ఇంకా ఆయన మాట్లాడుతూ... గత ఐదేళ్లలో జగన్ పాలనా దుర్మార్గం గురించి మోడీ తనతో చర్చించారని, అందుకే ఈ ఎన్నికల్లో కూటమికి సపోర్ట్ చేస్తున్నారని చెప్పుకొచ్చారు. తనకు లంచాల సొమ్ము, అవినీతి సొమ్ము అవసరం లేదని తాను ఒక సినిమా చేస్తే నిర్మాతలు కోట్లు కొలదీ కుమ్మరిస్తారని, యువతకు మెరుగైన భవిష్యత్ ఇవ్వాలన్న ఉద్దేశ్యంతోనే రాజకీయాల్లోకి వచ్చానని ఈ సందర్భంగా స్పష్టం చేశారు. కూటమి అధికారంలోకి వస్తేనే యువత జీవితాలు బాగుపడతాయని, ముఖ్యంగా యువతీయువకులు ఈ విషయాన్ని గుర్తించాలని సూచించారు.
ఇంకా పవన్ మాట్లాడుతూ... "దాదాపు 14 ఏళ్లుగా ముఖ్యమంత్రిగా పని చేసిన చంద్రబాబు, మూడున్నరేళ్లుగా సీఎంగా పని చేసిన నల్లారి కిరణ్ కుమార్ రెడ్డి ఇపుడు మన కూటమిలో ఉండడం చాలా పెద్ద బలం. నేను గత దశాబ్ద కాలంగా పోరాడుతూనే వున్నాను. కాబట్టి అర్ధం చేసుకొని మాకు అండగా నిలబడండి. రాష్ట్రం కోసం పని చేసే బాధ్యత మేము తీసుకుంటాం!" అని పవన్ కళ్యాణ్ పేర్కొన్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి