దీంతో ఈసారి ఇక్కడి నుంచి ఎవరు గెలవబోతున్నారు అన్నది ఆసక్తికరంగా మారింది. కారు దిగి హస్తం పార్టీలోకి వెళ్లిన సిట్టింగ్ ఎంపీ రంజిత్ రెడ్డి ఆ పార్టీ తరపున ఎంపీ అభ్యర్థిగా పోటీ చేస్తున్నారు. బిజెపి నుంచి ఇక గతంలో బిఆర్ఎస్ నుంచి బిజెపిలోకి వెళ్లిన మాజీ ఎంపీ కొండ విశ్వేశ్వర్ రెడ్డి బరిలోకి దిగారు. ఇక బిఆర్ఎస్ నుంచి బీసీ నేత కాసాని జ్ఞానేశ్వర్ ముదిరాజ్ పోటీలో ఉన్నారు.. ఇక ఈ ముగ్గురు నేతల మధ్య త్రిముఖ పోటీ నెలకొంది. ఇప్పటివరకు ఈ పార్లమెంట్ సెగ్మెంట్లో మూడుసార్లు ఎన్నికలు జరగగా ఒకసారి కాంగ్రెస్ రెండుసార్లు బిఆర్ఎస్ పార్టీలు విజయం సాధించాయి.
అయితే ప్రస్తుతం రాష్ట్రంలో బిఆర్ఎస్ అధికారాన్ని కోల్పోవడంతో రాజకీయ సమీకరణలు కూడా మారిపోయాయి. అయితే ఈ పార్లమెంట్ సెగ్మెంట్లో ఒక్కసారి ఎంపీగా గెలిచిన వ్యక్తి మరోసారి గెలిచిన దాఖలాలు లేవు. ఇక ఈ సెంటిమెంట్ ప్రకారం చూసుకుంటే ఇప్పుడు ఇప్పటికే ఎంపీలుగా పనిచేసిన కొండ విశ్వేశ్వర్ రెడ్డి, రంజిత్ రెడ్డిలు కాకుండా బిఆర్ఎస్ తరఫున పోటీ చేస్తున్న కాసాని జ్ఞానేశ్వర్ విజయం సాధించడం ఖాయమని రాజకీయ విశ్లేషకులు అంచనా వేస్తున్నారు. అయితే ఇప్పటికే వరుసగా రెండుసార్లు బిఆర్ఎస్ ఇక్కడ నుంచి పోటీ చేసి గెలిచింది. ఇక ఇప్పుడు హ్యాట్రిక్ పై కూడా కన్నేసింది. బీసీ బిడ్డను నిలబెట్టాం అనే నినాదంతో ప్రజల్లోకి వెళ్లింది బిఆర్ఎస్. మరోవైపు కాసాని జ్ఞానేశ్వర్ కు అపారమైన రాజకీయ అనుభవం ఉండడం.. ఇక సేవా కార్యక్రమాలతో మంచి పేరు ఆదరణ కూడా సంపాదించారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి