2019 లోక్‌సభ ఎన్నికలు పూర్తయిన ఆరు నెలలకు ఈ రాష్ట్రంలో అసెంబ్లీ ఎన్నికలు జరిగాయి. అయితే పార్లమెంటు ఎన్నికలలో బీజేపీ 58 శాతం ఓట్లు గెలుచుకోగా అసెంబ్లీ ఎన్నికలలో బీజేపీ సాధించిన ఓటు శాతం 36కి పడిపోయింది. రాష్ట్ర ప్రభుత్వాన్ని ఏర్పాటు చేసుకోవడానికి కావలసిన అసెంబ్లీ సీట్లు కూడా గెలుచుకోలేకపోయింది. దీని ఫలితంగా జననాయక్ జనతాపార్టీ, ఏడుగురు స్వతంత్రులతో చేతులు కలిపి ప్రభుత్వాన్ని ఏర్పాటు చేయాల్సిన పరిస్థితి వచ్చింది. అయితే అప్పట్లో తగ్గిన ఓట్లు కవర్ చేసి హర్యానాలో పూర్తి మెజారిటీతో గెలవాలని బీజేపీ అనుకుంది.
కానీ డబుల్ ఇంజన్ సర్కార్ అని గొప్పలు చెప్పుకోవడానికి తప్ప రాష్ట్రం ఏమీ అభివృద్ధి కాలేదని ప్రజలు ఇప్పుడు బీజేపీపై తీవ్ర వ్యతిరేకత చూపిస్తున్నారు. కాంగ్రెస్‌, ఆమ్‌ ఆద్మీ పార్టీ కూటమి బీజేపీ రాష్ట్రానికి ఎంత అన్యాయం చేసిందో చెబుతూ ప్రజలను తమ వైపు సులభంగా తిప్పుకుంటుంది. ఇక రైతు చట్టాలు రైతుల డిమాండ్ల విషయంలో కూడా బీజేపీ ప్రజలకు మంచి చేయలేకపోయింది. వీటితోపాటు బీజేపీ ఎంపీ బ్రిజ్‌భూషణ్‌ శరణ్‌సింగ్‌ లైంగిక వేధింపుల కేసులో చిక్కుకోవడం, అతనికే బీజేపీ టికెట్ ఇవ్వడం వంటివి ప్రజలకు నచ్చలేదు మొత్తం మీద కమలం పార్టీకి ఈ రాష్ట్ర ప్రజలు బాగానే షాక్ ఇచ్చినట్లు తెలుస్తోంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి