రాష్ట్రంలో 13 స్థానాల్లో మాత్రం హోరాహోరీ పోటీ ఉండబోతుందని ఈ సర్వే లెక్కల ద్వారా వెల్లడవుతోంది. మిగతా సర్వేల ఫలితాలతో పోల్చి చూస్తే ఈ సంస్థ సర్వే ఫలితాలు మాత్రం వాస్తవాలకు విరుద్ధంగా వైసీపీ నేతలు సైతం నమ్మలేని విధంగా ఉన్నాయి. ఒకవేళ ఈ సంస్థ సర్వే ఫలితాలు నిజమైతే మాత్రం వైసీపీకి పండగేనని చెప్పవచ్చు. ఏపీలో కూటమికి 4 స్థానాలు వస్తే అంతకు మించి పరువు పోయే పరిస్థితి ఉండదు.
వ్రాప్ స్ట్రాటజీస్ సంస్థ సర్వే ఫలితాలు కూటమి నేతలు చెమటలు పట్టిస్తున్నాయి. ఈ సంస్థ సర్వే ఎక్కడ చేసిందో తెలీదు కానీ ఫలితాలు కూటమి నేతలకు గుబులు పుట్టించేలా ఉన్నాయి. ఈ సర్వే ఫలితాలు నిజమవుతాయో లేదో మరో రెండు రోజుల్లో తేలిపోనుంది. జూన్ 4వ తేదీ రాత్రి సమయానికి ఏపీ ఎన్నికల ఫలితాలకు సంబంధించి క్లియర్ క్లారిటీ రానుంది. ఫలితాల విషయంలో ఏ పార్టీ నేతల కాన్ఫిడెన్స్ నిజం కానుందో తెలియాల్సి ఉంది.
ఈ సంస్థ ఫలితాలు నిజమైతే మాత్రం ఎన్నికల ఫలితాలు విడుదలైన తర్వాత ఈ సంస్థ పేరు మారుమ్రోగుతుందని చెప్పవచ్చు. ఏపీలో కూటమి తరపున 70 నుంచి 80 మంది ప్రముఖ నేతలు పోటీ చేస్తున్నారు. ఈ సంస్థ లెక్కల ప్రకారం దాదాపుగా 90 స్థానాల్లో కూటమి నేతలకు షాక్ తప్పదు. ఏపీలో కూటమికి మరోసారి దిమ్మతిరిగే ఫలితాలు వస్తే టీడీపీ, జనసేన ఉనికి ప్రశ్నార్థకం అవుతుంది.