ఉమ్మడి కర్నూలు జిల్లాలో ఫ్యాన్ రెక్కలు విరిగినట్టేనని కామెంట్లు వ్యక్తమవుతున్నాయి. వైసీపీ ఉమ్మడి కర్నూలుకు న్యాయ రాజధానిని ప్రకటించినా న్యాయ రాజధాని వల్ల పెద్దగా ప్రయోజనం అయితే ఉండదని ఇక్కడి ప్రజలు భావించినట్టు తెలుస్తోంది. మరోవైపు సీఎంగా చంద్రబాబు నాయుడు ప్రమాణ స్వీకారానికి తేదీ ఫిక్స్ అయింది. ఈ నెల 9వ తేదీన చంద్రబాబు అమరావతిలో ప్రమాణ స్వీకారం చేయనుందని తెలుస్తోంది.
జనసేన, బీజేపీ సీట్ల సంఖ్యతో సంబంధం లేకుండా టీడీపీ సొంతంగానే మ్యాజిక్ ఫిగర్ ను దాటనుంది. వైసీపీ 25 మంత్రులలో 24 మంత్రులు ఓడిపోవడం ఖాయమని తెలుస్తోంది. పెద్దిరెడ్డి ప్రస్తుతం లీడ్ లో ఉన్నారు. అయితే పెద్దిరెడ్డి రామచంద్రారెడ్డి కూడా కచ్చితంగా గెలుస్తారని చెప్పలేని పరిస్థితి నెలకొంది. కూటమి అధికారంలోకి వచ్చాక వైసీపీ నేతలను ముప్పుతిప్పలు పెట్టడం ఖాయమని తెలుస్తోంది.
ఉమ్మడి కర్నూలు ఫలితాలను చూసి కర్నూలు వైసీపీ నేతలు కన్నీళ్లు పెట్టుకుంటున్నారు. కర్నూలులో 12 అసెంబ్లీ స్థానాల్లో వైసీపీ కనీసం విజయం సాధిస్తుందని భావించగా ఫలితాలు అందుకు భిన్నంగా ఉండబోతున్నాయి. ఉమ్మడి కర్నూలులో టీడీపీ నేతలు కసితో పని చేస్తే వైసీపీ నేతలు నిర్లక్ష్యంగా పని చేశారని కామెంట్లు వినిపిస్తున్నాయి. కర్నూలు ఎంపీ, నంద్యాల ఎంపీ స్థానాల్లో సైతం కూటమి ఆధిక్యం కొనసాగుతోంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి