పవర్ స్టార్ పవన్ కళ్యాణ్ 2014 వ సంవత్సరంలో జనసేన అనే రాజకీయ పార్టీని స్థాపించాడు. ఆ తర్వాత జరిగిన 2019 అసెంబ్లీ , పార్లమెంట్ ఎన్నికలలో తన పార్టీ నుండి అభ్యర్థులను ఆంధ్రప్రదేశ్ రాష్ట్రమంతటా ఎన్నికల బరిలో నిలిపాడు. కానీ అందులో భాగంగా పవన్ కళ్యాణ్ రెండు అసెంబ్లీ స్థానాలలో పోటీ చేస్తే రెండింటిలో ఓడిపోయాడు. ఇక ఈ పార్టీ నుండి ఒక్క ఎంపీ స్థానము రాలేదు. ఈ పార్టీ నుండి కేవలం ఒకే ఒక్క వ్యక్తి ఎమ్మెల్యే గా గెలుపొంది అసెంబ్లీ లోకి అడుగు పెట్టాడు.

దీనితో పవన్ కళ్యాణ్ కి గానీ , అతని పార్టీ కి గానీ ఆంధ్ర ప్రజలు పెద్దగా ప్రాముఖ్యతను ఇవ్వలేదు అని స్పష్టంగా అర్థం అయిపోయింది. ఇక 2024 ఎన్నికలు కొన్ని రోజుల క్రితమే జరిగాయి. ఇందులో భాగంగా జనసేన పార్టీ టి డి పి , బి జె పి లతో పొత్తుల భాగంగా పోటీ చేసింది. అందులో భాగంగా జనేసేన పార్టీ  21 అసెంబ్లీ , 2 పార్లమెంట్ స్థానాలను తీసుకుంది. జనసేన నుండి పోటీ చేసిన ప్రతి అభ్యర్థి గెలుపొందాడు.

దీనితో ఈ ఎన్నికలలో జనసేన పార్టీ కి 100% విజయం లభించింది. ఇక ఈ విజయంతో పవన్ పై బాధ్యత చాలా పెరగనుంది. ఎందుకు అంటే 2019 ఎన్నికలలో ఆంధ్ర ప్రజలు ఈయనను ఏ మాత్రం నమ్మలేదు అని చెప్పవచ్చు. కానీ ఈ సారి మాత్రం 100% రిజల్ట్ ను అందించారు. దానితోనే అర్థం అవుతుంది ఈ సారి పవన్ ను వారెంతగా నమ్మారు అనేది. ఇక ఆ నమ్మకం నిలబెట్టుకోవాల్సిన అవసరం పవన్ పై ఎంతైనా ఉంది. దానితో పవన్ ఆ బాధ్యతను ఏ స్థాయిలో నిర్వహిస్తాడో , దాన్ని బట్టి 2024 ఎన్నికలలో జనసేన కు వచ్చే సీట్లు ఆధారపడి ఉంటాయి అని అనేక మంది అభిప్రాయ పడుతున్నారు.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

pawan

Pulgam Srinivas

09/06/2024 05:25 PM