ఈ నేపథ్యంలోనే ధార్మిక భవన్‌లో సమ్కక్క - సారలమ్మ ఈవో ఆఫీసును కొనసాగించే విషయంలో రాష్ట్ర ప్రభుత్వం స్పష్టత ఇచ్చేవరకు మేడారంలో పూజలు నిర్వహించకూడని అక్కడి పూజారులు ప్రకటించిన సంగతి విదితమే. అయితే ఈ తంతు వెనక సీతక్క హస్తం ఉందని కొండా సురేఖ వర్గీయులు గుసగుసలు ఆడుకుంటున్నారు. సీతక్క ప్రాతినిధ్యం వహిస్తున్న ములుగు నియోజకవర్గంలో సమ్మక్క సారలమ్మ దేవాలయం ఉన్న సంగతి అందరికీ తెలిసినదే. ఇకపోతే ఇటీవల సీఎం రేవంత్‌రెడ్డి జాతరకు వచ్చిన రోజు జాతర నిర్వహణ, పనుల పర్యవేక్షణ అంతా సీతక్కే దగ్గరుండి మరీ చూసుకున్నారు.
ఇకపోతే, ఆనాడు సీతక్క సూచనలతోనే సొంత సెగ్మెంట్‌ నుంచి కొండా సురేఖను దూరం పెట్టారని ఆమె వర్గీయులు అసంతృప్తిని వ్యక్తం చేసిన సంగతి మీకు తెలిసే ఉంటుంది. మరోవైపు తాను ప్రాతినిధ్యం వహిస్తున్న వరంగల్ తూర్పు నియోజకవర్గానికి చెందిన మేయర్‌ గుండు సుధారాణిని తనకు సమాచారం లేకుండా సీతక్క ప్రమేయంతోనే కాంగ్రెస్‌లో చేర్చుకున్నారని కూడా సురేఖ అసంతృప్తితో ఉన్నట్టు విశ్వసనీయ వర్గాల సమాచారం. కాగా మెదక్ పార్లమెంట్ లో కాంగ్రెస్ ఓడిపోగా, వరంగల్ లో విజయం సాధించింది. దీని మీద కూడా కొండా సురేఖ వర్గీయులు అసంతృప్తిగా ఉన్నట్టు భోగట్టా.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి