![](https://www.indiaherald.com/cdn-cgi/image/width=750/imagestore/images/politics/politics_latestnews/ap-assembly-elections-ap-elections-survey-telangana-parliament-elections-andhrapradesh-assembly-elections-assembly-elections-2024-jagan-ys-jagan-ally79ee26c1-0f73-49ab-a490-43748245e13e-415x250.jpg)
దీనిని బట్టి ఆలీని జగన్ ఎంతలా వాడుకుని వదిలించుకున్నారో తెలుస్తోంది. చివరకు గత ఎన్నికల్లో ఎమ్మెల్యేగా అయినా పోటీ చేయాలని ఆలీ అనుకున్నారు. గుంటూరు తూర్పు పై ఆశలు పెట్టుకున్నారు. జగన్ సీటు ఇవ్వలేదు. పార్టీ ఘోరంగా ఓడిపోయింది. పార్టీకి భవిష్యత్తు ఉంటుందో.. లేదో.. కూడా తెలియని పరిస్థితి. ఇప్పటికీ వైసీపీ అభిమానిగా ఇండస్ట్రీలో ముద్ర ఉంది. దీంతో తన సినిమా కెరీర్కు ఎక్కడ ఇబ్బంది వస్తుందో అనుకున్నారో ఏమో.. ఆలీ రాజకీయాలకు గుడ్ బై చెప్పేస్తున్నానని ప్రకటించారు. అయితే ఇక్కడే ఆలీ కొన్ని అబద్ధాలు ఆడేశారు. తను ఎవరిని వ్యక్తిగతంగా ఎప్పుడూ విమర్శించలేదని చెప్పారు. అయితే గతంలో ఆలీ.. పవన్ కళ్యాణ్ను వైసీపీ ట్రాప్ లో పడి గట్టిగా టార్గెట్ చేశారు. తనకు మంచి స్నేహితుడు అన్న విషయాన్ని పక్కన పెట్టేసి మరి.. ఆలీ, పవన్ పై రెచ్చిపోయారు.
నాకు ఆకలి వేస్తే చస్తాను తప్ప.. ఒకరి దగ్గరకు వెళ్లి అర్జించాను అని పవన్ను ఉద్దేశించి ఆలీ వ్యాఖ్యానించారు. పైగా తాను.. పవన్ పై అయినా పోటీకి సిద్ధం అని వైసిపికి 175 సీట్లు పక్కా అని కామెంట్ చేయడం విశేషం. పవన్ తనకు మిత్రుడే అయినా స్నేహం వేరు, రాజకీయాలు వేరు అని.. రాజకీయంగా తన మద్దతు జగన్కు అని ఆలీ అప్పుడు చెప్పకనే చెప్పేశారు. చివరకు ఆలీ తీరుతో పవన్ సైతం ఆలీ కుమార్తె పెళ్లికి ఆహ్వానించిన వెళ్లలేని పరిస్థితి అన్న ప్రచారం కూడా అప్పుడు జరిగింది. మరి ఆలీ ఇప్పుడు సాంప్రదాయిని.. సుప్పిని.. శుద్ధ పూసని.. అన్నట్టుగా కబుర్లు చెప్పడంతో పాటు పార్టీ ఓడిపోయాక తనకు ఏ పార్టీతో సంబంధం లేదని చెప్పటం గమనార్హం. మరి పవన్ ఇప్పుడు ఆలీని దగ్గరకు రానిస్తాడా.. జనసైనికులు, టీడీపీ వాళ్ళు ఆలీ విషయంలో ఎలా స్పందిస్తారు అన్నది చూడాలి.