కాగా, ఇటీవల ఆంధ్రప్రదేశ్ ముఖ్యమంత్రిగా బాధ్యతలు స్వీకరించిన బాబు.. రాష్ట్ర విభజన సమస్యలపై ఫోకస్ పెట్టారు. ఈ నేపథ్యంలోనే ముఖాముఖీ భేటీ అయ్యి విజభన అంశాలపై చర్చిద్దామని తెలంగాణ సీఎం రేవంత్‌కు లేఖ రూపంలో ప్రతిపాదన పంపారు. చంద్రబాబు ప్రతిపాదన పట్ల సానుకూలంగా స్పందించిన రేవంత్.. భేటీకి గ్రీన్ సిగ్నల్ ఇచ్చారు. దీంతో రెండు తెలుగు రాష్ట్రాల సీఎంలు రేపు ప్రజాభవన్ వేదికగా సాయంత్రం 6 గంటలకు భేటీ కాబోతున్నారు. సీఎంల హోదాలో రేవంత్, చంద్రబాబు ఫస్ట్ టైమ్ కలవనుండటంతో ఈ భేటీ ఇటు తెలంగాణ అటు ఏపీ పాలిటిక్స్‌లో తీవ్ర చర్చనీయాంశంగా మారింది.టీడీపీ అధినేత, ఏపీ సీఎం చంద్రబాబు ఈ నెల 7న హైదరాబాద్‌లోని ఎన్టీఆర్ భవన్ లో కార్యకర్తలతో ఆత్మీయ సమ్మేళనంలో పాల్గొంటారని పార్టీ వర్గాలు తెలిపాయి.ఈ సందర్భంగా పార్టీ అధినేతకు ఘనసన్మానం చేయాలని రాష్ట్ర పార్టీ నిర్ణయించింది. తెలంగాణలోని అన్ని జిల్లాల నుంచి నాయకులు, కార్యకర్తలు ఎన్టీఆర్ భవనకు తరలిరావాలని పిలుపునిచ్చింది.
ఆంధ్రప్రదేశ్ సీఎంగా బాధ్యతలు చేపట్టాక చంద్రబాబు తొలిసారి ఈ నెల 5వ తేదీ సాయంత్రం 6 గంటలకు హైదరాబాద్ వస్తున్నారు. ఈ నేపథ్యంలో బేగంపేట విమానాశ్రయంలో ఘనస్వాగతం పలికేందుకు రాష్ట్ర పార్టీ సిద్ధమైంది. 6న ప్రజాభవన్ లో తెలుగు రాష్ట్రాల ముఖ్యమంత్రుల సమావేశంలో చంద్రబాబు పాల్గొంటారు. 7వ తేదీ ఉదయం 11 గంటలకు ఎన్టీఆర్ భవన్ కు వస్తారు. ఈ సందర్భంగా పార్టీ జాతీయ అధ్యక్షుడికి పెద్దఎత్తున సన్మాన కార్యక్రమాన్ని రాష్ట్ర పార్టీ ఏర్పాటు చేస్తోంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి