మరి వైయస్ఆర్ పేరు చెప్పుకుని ఇప్పటివరకు రాజకీయం చేస్తూ వచ్చిన ఆయన తనయుడు.. ఆంధ్రప్రదేశ్ తాజా మాజీ ముఖ్యమంత్రి వైయస్ జగన్మోహన్ రెడ్డి సైతం తండ్రి 75వ జయంతి కార్యక్రమాన్ని నిర్వహిస్తున్నట్టు ప్రకటన చేశారు. జగన్ తరఫున మాజీ మంత్రి పేర్ని నాని ఈ ప్రకటన చేశారు. అయితే షర్మిలను మించి అట్టహాసంగా జగన్ ఈ ప్రోగ్రాం చేస్తారని రాష్ట్రవ్యాప్తంగా ఉన్న వైసీపీ శ్రేణులు ఎంతో ఆసక్తితో ఎదురు చూశాయి. అయితే పేర్ని నాని వారి ఆశలపై నీళ్లు చల్లారు.
వైయస్ఆర్ అభిమానులు అందరూ రాష్ట్రవ్యాప్తంగా వైఎస్ఆర్ జయంతి కార్యక్రమాన్ని నిర్వహించాలని.. ఈ సందర్భంగా మొక్కలు నాటడం, రక్తదానాలు చేయడం, పుస్తకాలు పంపిణీ చేయడం చేయాలని సింపుల్ గా పిలుపు ఇచ్చారు. కానీ వైసీపీ క్యాడర్ మాత్రం షర్మిలను మించి జగన్ పెద్ద కార్యక్రమం చేస్తారని ఎదురు చూస్తే వారికి నిరాశే ఎదురయింది.
ఐదేళ్లు అధికారంలో ఉన్న జగన్.. ఎన్నికల్లో ఓడిపోయిన నెలరోజులకు తండ్రి జయంతి కార్యక్రమం వస్తే ఒక్క రూపాయి కూడా ఖర్చు పెట్టకుండా వైసీపీ క్యాడర్ మీదకే మొత్తం తోసేసారని వైసీపీ వాళ్ళే అసహనం వ్యక్తం చేస్తున్నారు. పేర్ని నాని ప్రకటనలను బట్టి చూస్తే జగన్ సింపుల్గా తన ఆఫీసులో వైఎస్ ఫోటోకు దండ వేసి దండం పెట్టి చూడటం మినహా చేసేదేం ఉండదని క్లారిటీ వచ్చేసింది.