ఇక చంద్రబాబుకు.. జగన్ కు ఉన్న పెద్ద తేడా గురించి చెప్పమంటే చంద్రబాబుకు ఉన్న రాజకీయ పరిణితి జగన్ కి లేదని అంటున్నారు. దాంతోనే తాజా ఎన్నికల్లో జగన్ ఘోర ఓటమిని చవిచూశారని చెబుతున్నారు. మరో విషయం ఏమిటంటే చంద్రబాబుతో తన అనునయలు ఎల్లప్పుడూ చుట్టూ ఉంటూ ఆయనకు అత్యంత సన్నిహితంగా తమ ప్రైవేటు సంభాషణల్లో ఆయన గురించి ఏదైనా సద్విమర్శ చేయడానికి పెద్దగా వెనుకాడరు. దీనికి కారణం.. తాము మాట జారినట్లు తెలిసినా.. బాబు క్షమించేస్తారు అన్న భావనే. అదే సమయంలో జగన్ విషయంలో మాత్రం ఆ ఆలోచనకే వణుకుతారు ఆయన సన్నిహితులు. ఎందుకుంటే.. తన గురించి చేసే అనవసర వ్యాఖ్యలకు వారు ఎలాంటి మూల్యం చెల్లించుకోవలసి ఉంటుందో వారికి బాగా తెలుసు.
ఇపుడు ఇలాంటి అంశాలే ఆయనికి ఓ నాయకుడి లక్షణాలు ఉన్నాయి అనేకంటే ఒక వ్యాపారవేత్త లక్షణాలు ఉన్నాయని అని చెప్పడానికి ఉదాహరణలుగా నిలుస్తున్నాయి. నిజానికి ఇదే ఆయనకు ప్లస్ గా చెబుతారు. ఐతే తాజా ఎన్నికల్లో ఎదురైన ఘోర పరాజయానికి మూలకారణం కూడా ఇదేనన్న విషయాన్ని ఇప్పుడు ఆయన సన్నిహితులే అంగీకరిస్తున్నారు. అవును, జగన్ మంచి వ్యాపారస్తుడు అనడానికి సరైన ఉదాహరణే అది. జగన్ విషయానికి వస్తే తన వ్యాపారాలను పెంచుకుంటూ పోవటం అనేది ఒక వ్యాపారవేత్తగా అదేమీ తప్పు కాదు కానీ ఓ ప్రజా నాయకుడిగా.. ఆయన చెప్పే సంక్షేమం తన సంస్థల్లో పని చేసే ఉద్యోగుల విషయంలో కనీస స్థాయిలో ప్రదర్శించకపోవటమే చిత్రమైన అంశం. ఇదే ఆయన పాలిట శాపంలా మారింది అని చెప్పక తప్పదు!