ఈ నేపథ్యంలో ప్ర‌ధాని న‌రేంద్ర మోడీతో పాటుగా కేంద్ర ఆర్థిక మంత్రి నిర్మలా సీతారామ‌న్ వంటివారితో భేటీ అయి.. ఏపీ దుర్భర ప‌రిస్థితిని వివ‌రించారు బాబు. ఈ నెలలో ప్ర‌వేశ పెట్ట‌నున్న కేంద్ర బ‌డ్జెట్‌లో ఏపీకి విరివిగా సొమ్ములు కేటాయించాల‌ని సీఎం చంద్రబాబు అడిగినట్టు గుసగుసలు వినబడుతున్నాయి. ఇక కేంద్రంలో మోడీ అధికారంలోకి వ‌చ్చేందుకు తన 16 మంది ఎంపీల‌తోనూ మ‌ద్ద‌తిస్తున్న నేపథ్యంలో మోడీకి కూడా చంద్రబాబు కోరిక‌ల‌ను తీర్చాల్సిన అవ‌స‌రం అయితే ఏర్ప‌డింది. కాబట్టి బాబుని బుజ్జగించే పనిలో పడ్డారు మోడీ స‌ర్కారు వారు. అయితే చంద్రబాబు ఎంత మేర‌కు నిధులు అడిగారు? ఏయే ప్రాజెక్టుల పేరు చెప్పి సొమ్ములు అడిగారు? అన్న విషయాల ఇంకా ఇంకా స్పష్టత రావలసి ఉంది.
అయితే.. తాజాగా బ్లూంబ‌ర్గ్ సంస్థ ఓ నివేదిక విడుదల చేస్తూ... త్వరలో విడుదల కాబోయే బడ్జెట్ పై ఊహాగానాలు చేస్తూ... కొన్ని విషయాలను చెప్పుకొచ్చారు. ఏయే రాష్ట్రాల‌కు కేంద్రం ఎంతెంత సొమ్ము ముట్టజెప్పుతుంది? ఆయా రాష్ట్రాలు ఎంతెంత సొమ్మును ఆశించాయి? అనే విషయాలను ఈ నివేదిక స్ప‌ష్టం చేసింది. దీని ప్ర‌కారం చూసుకుంటే మిగతా రాష్ట్రాల సంగతి పక్కన పెడితే... చంద్రబాబు స‌ర్కారు.. కేంద్రాన్ని వచ్చే ఐదేళ్ల‌లో రూ.ల‌క్ష కోట్ల మేర‌కు సాయం చేయాల‌ని కోరిన‌ట్టు ఈ నివేదికలో చెప్పుకొచ్చారు. దీనిలో పోల‌వ‌రం, అమ‌రావ‌తి ప్రాజెక్టుల‌ను కూడా జ‌త చేసింద‌ని తెలిపింది. రాజధాని నిర్మాణం కోసం కేంద్రం ప్రత్యేకంగా గ్రాంట్లు ఇవ్వాలని కోరిన‌ట్టు నివేదిక తెలిపింది. అయితే ఇందులో నిజానిజాలు ఎంత అనేది తెలియాలంటే కొన్ని రోజుల వేచి చూడాల్సిందే!
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి