గత ఎన్నికల్లో వైసీపీ నుంచి అభ్యర్థుల ఎంపికలో జగన్ సంచలన నిర్ణయాలు తీసుకున్నారు. ఏకంగా 58 మంది సిట్టింగ్ ఎమ్మెల్యేలకు జగన్ టికెట్ నిరాకరించారు. స్థానిక నేతలతో సమన్వయం, క్షేత్రస్థాయిలో వ్యతిరేకత, ప్రజల్లో తిరగకపోవడం వంటి కారణాలతో టికెట్ విషయంలో వారికి మొండి చేయి చూపారు. అయితే వీరిలో ఐదారుగురు ఎమ్మెల్యేలు ప్రతిపక్ష పార్టీల్లోకి వెళ్లి టికెట్లు తెచ్చుకున్నారు. అక్కడా విజయం సాధించారు. ఒకరిద్దరు ఎమ్మెల్యేలు మాత్రం రాజకీయాలకు దూరంగా ఉన్నారు. అయితే ఓ వైపు పార్టీ టికెట్ దక్కక, ఇతర పార్టీల్లోకి వెళ్లక కొందరు ఎమ్మెల్యేలు ఆగ్రహంతో రగిలిపోయారు. దీంతో ప్రతిపక్ష పార్టీ అభ్యర్థులతో కుమ్మక్కై, వైసీపీ ఓటమికి వారు గుంతలు తవ్వారని జగన్ ఆలస్యంగా గ్రహించారు. టికెట్ దక్కకపోవడంతో వారంతట వారే పార్టీకి దూరం అవుతారని జగన్ ఇప్పటి వరకు భావించారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి