కాగా తల్లికి 15000 రూపాయలు ఇస్తామని చెప్పడం మీద వైసీపీ అభ్యంతరం వ్యక్తం చేస్తున్నట్టు కనబడుతోంది. తల్లికి కాకుండా విద్యార్థులు ఎంత మంది ఆ తల్లికి ఉంటే వారందరికీ పధకం వర్తింపచేయాలని డిమాండ్ చేస్తున్నారు. మొత్తానికి ఈ పధకం అయితే ఎలాగైనా టీడీపీ పూర్తి వివరాలతో జీవో ఇష్యూ చేసి దసరా కంటే ముందుగానే తల్లుల ఖాతాలో వేసేందుకు రంగం సిద్ధం చేసుకుంటోంది. ఇక సీఎంగా చంద్రబాబు పెట్టిన మరో సంతకం ఏపీలో అన్నా క్యాంటీన్లు ప్రారంభం. దానికి ఆగస్టు 15వ తేదీని ముహూర్తంగా పెట్టుకున్నారు. ఏపీ వ్యాప్తంగా 200కి పైగా క్యాంటీన్లని ప్రారంభించాలని ప్రభుత్వం నిర్ణయం తీసుకుంది. దీని మీద ఈ నెల 16న జరిగే మంత్రివర్గ సమావేశంలో చర్చించి నిర్ణయం తీసుకుంటారు అని అంటున్నారు.
అయితే ఇలాంటి వ్యవహారాలలో వైసీపీ జోక్యాన్ని టీడీపీ అస్సలు పట్టించుకోకుండా సూపర్ సిక్స్ పధకాల అమలు ధ్యేయంగా ముందుకు అడుగులు వేస్తోంది. ఈ నేపథ్యంలోనే ఆగస్టు 15 నుంచి మహిళలకు ఉచిత బస్సు ప్రయాణం హామీని కూడా నెరవేర్చాలని బాబు సర్కార్ యోచిస్తోంది. ఇదిలా ఉంటే రైతన్నలకు రైతు భరోసా మొత్తాన్ని ఇరవై వేలకు పెంచుతామని టీడీపీ హామీ ఇచ్చిన సంగతి విదితమే. దీనిని కూడా వీలైనంత త్వరగా అమలు చేయాలని అనుకుంటోంది. ఎందుకంటే ఖరీఫ్ సీజన్ స్టార్ట్ అయింది. రైతులు వ్యవసాయ సాయం కోసం ఎదురుచూస్తున్నారు. అదేవిధంగా 18 ఏళ్ళు నిండిన ప్రతీ మహిళకు నెలకు 1500 రూపాయలు అన్న దాని మీద పూర్తి అధ్యయనం చేసి ఆ మీదట ఆ పధకాన్ని అమలు చేస్తారు అని విశ్వనీయ వర్గాల సమాచారం. ఇలా మొత్తం తొలి ఏడాదిలోనే హామీలు అన్నీ నెరవేరేలా ప్రణాళికలు రచిస్తోంది బాబు సర్కార్.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి