![](https://www.indiaherald.com/cdn-cgi/image/width=750/imagestore/images/politics/politics_latestnews/jaganede3fd52-f22e-4ef9-b1ce-19a1529e11e0-415x250.jpg)
ఇక్కడే వచ్చింది అసలు చిక్కు. నిరసనలో భాగంగా వైఎస్సార్సీపీ ఎమ్మెల్యేలు 'సేవ్ డెమోక్రసీ' నినాదాలు చేస్తూ అసెంబ్లీ హాలులోకి వెళ్లేందుకు స్పీడుగా ముందుకి కదలడంతో పోలీసులు అడ్డుకున్నారు. అదేవిధంగా పోలీసులు వైసీపీ ఎమ్మెల్యేలను ప్లకార్డులు ప్రదర్శించ వద్దంటూ గేటు వద్దే నిలిపి వేశారు. అక్కడితో ఆగకుండా కాస్త దూకుడు ప్రదర్శించిన ఎమ్మెల్యేల వద్ద ఉన్న ప్లకార్డులు లాక్కొని పోలీసులు వాటిని చించేశారు. దీంతో మాజీ సీఎం జగన్ పోలీసులపై ఆగ్రహం వ్యక్తం చేశారు. ఈ క్రమంలో పోస్టర్లు గుంజుకుని మరీ చించేసే హక్కు మీకు ఎవరిచ్చారని మండిపడ్డారు. అధికారం ఎవ్వరికి శాశ్వతం కాదని, మనం ప్రజాస్వామ్యంలో ఉన్నామని గుర్తుంచుకోవాలని వారికి స్వీట్ వార్నింగ్ ఇచ్చారు.
దీంతో గేటు వద్ద చాలా సేపు ఉద్రిక్త వాతావరణం చోటు చేసుకుంది. రాష్ట్రంలో అరాచక పాలన సాగుతుందని.. పోలీసుల వైఖరి అత్యంత దారుణంగా ఉందని మిగతా వైసీపీ ఎమ్మెల్యేలు కూడా ఆరోపించారు. చంద్రబాబు రాష్ట్రంలో నియంత పరిపాలన కొనసాగిస్తున్నాడని, ఇకనైనా ప్రతీకార రాజకీయాలు మాని, రాష్ట్రం కోసం అలోచించి పనిచేయాలని మండిపడ్డారు. ఇక నిన్నటి వరకు అన్యాయాన్ని ప్రశ్నిస్తానన్న జనసేనాని పవన్ కళ్యాణ్ ప్రస్తుతం రాష్ట్రంలో జరిగిన పరిస్థితులపైన ఎందుకు మాట్లాడడం లేదని ప్రశ్నించారు.. ఆ తరువాత పోలీసులు అనుమతించడంతో వారందరు కూడా నల్లకండువాలతోనే అసెంబ్లీలోకి ప్రవేశించారు!