గత ప్రభుత్వ హయాంలో పెట్టుబడులు ఆగిపోయి, సంస్థలు తరలిపోయాయని తన ప్రసంగంలో గవర్నర్ అబ్దుల్ నజీర్ ప్రస్తావించారు. దాంతో ప్రాజెక్టులపై మూలధన వ్యయం 56% తగ్గించారు.. రోడ్లు, భవనాలపై వ్యయం 80 శాతానికి పైగా తగ్గించేశారని గవర్నర్ అబ్దుల్ నజీర్ ఈ సందర్భంగా చెప్పుకొచ్చారు. అమరావతి కలను చెదరగొట్టడానికి డీసెంట్రలైజేషన్ పేరుతో 3 రాజధానులన్నారు .. గత ఐదేళ్లలో ఏపీలో వ్యవస్థలు పూర్తిగా నిర్వీర్యం అయ్యాయి. శ్వేతపత్రాలతో ఏపీకి జరిగిన నష్టాన్ని ప్రజలకు వివరిస్తున్నామన్నారు. 2018 నాటికి ఇంధన మిగులు రాష్ట్రంగా ఏపీ మారింది. 2019-24 మధ్య ఏపీ ఇంధన రంగానికి రూ.1,29,503 కోట్ల నష్టం జరిగింది అని బాధపడ్డారు.
అదే విధంగా అస్తవ్యస్త ఇసుక విధానంతో 20 లక్షల మంది భవన నిర్మాణ కార్మికులు ఉపాధి కోల్పోయి రోడ్డున పడ్డారని వాపోయారు. నాణ్యత లేని మద్యం, గుర్తింపులేని బ్రాండ్లు తీసుకొచ్చి రాష్ట్రాన్ని బ్రష్టు పట్టించారు. ఈ క్రమంలో కొన్ని వేలమంది మందుబాబులు కుటుంబాలు నాశనం అయ్యాయని దుయ్యబట్టారు. ఇలా మొత్తంగా వైసీపీ ప్రభుత్వం కారణంగా రాష్ట్రంలో అభివృద్ధి కుంటుపడింది అంటూ ఆరోపణలు చేసారు. ఈ నేపథ్యంలో ఆయన ఎన్నికలకు ముందు ఇచ్చిన హామీల అమలు చేసే పనిలో ఉన్నామని, సూపర్‌సిక్స్ వాగ్దానాలకు కట్టుబడి ఉన్నాం.. అంటూ మాట్లాడడం జరిగింది. ఇటువంటి పరిస్థితుల్లో రాష్ట్ర పరిస్థితిని అర్థం చేసుకుని రాష్ట్ర పునర్నిర్మాణానికి ప్రజలు సహకరించాలి అని గవర్నర్ అబ్దుల్ నజీర్ మాట్లాడడం జరిగింది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి