![](https://www.indiaherald.com/cdn-cgi/image/width=750/imagestore/images/politics/politics_latestnews/jagan-6cf37dbf-f719-4a1e-9db4-0026daec14c6-415x250.jpg)
ఇంతటి ఓటమికి కారణం ఏమిటని వైసిపి నాయకులు సమీక్షించుకున్నప్పుడు.. వారి ముందు ఒక ప్రతిబింబంలాగా వైయస్ షర్మిల చాలా స్పష్టంగా కనబడింది. బాహ్యంగా కనిపించే శత్రువు కన్నా, అంతర్గత శత్రువు చాలా డేంజర్ అనే నానుడి జగన్ రాజకీయ ప్రయాణంలో నిజమయింది. ప్రత్యక్షంగా కనబడుతున్న కూటమి ప్రభుత్వం వారిని విమర్శించడం చాలా మామూలే. కానీ చెల్లెలు స్థానంలో ఉండి కూడా జగన్ పైన వైయస్ షర్మిల వేస్తున్న విమర్శల బాణాలు వైసిపి పార్టీని గట్టిగానే డామేజ్ చేశాయి.
అయితే అన్నాచెల్లెళ్ల మాటల యుద్ధం ఎంతవరకు? అని అనుకుంటే... దానికి అంతు పంతులు లేకుండా పోతుంది. ఎన్నికల హడావుడి ముగిసిపోయి 52 రోజులు అవుతున్న, షర్మిల అన్నను వదలడం లేదు. వీలు చిక్కునప్పుడల్లా.. తనదైన మాటలతో అన్నపై రెచ్చిపోతుంది షర్మిల. మొన్నటికి మొన్న ఢిల్లీలో జగన్ ధర్నా చేసినందుకుగాను... షర్మిల జగన్ పై పలు రకాలుగా విమర్శలు చేస్తూ టార్గెట్ చేయడం ఇప్పుడు వైసీపీ నాయకులకు మింగుడు పడడం లేదు. ఢిల్లీలో అన్న జగన్ ఎందుకు ధర్నా చేస్తున్నాడో తనకి అసలు అర్థం కావడం లేదని విమర్శిస్తూ అనేక మాటలు చెప్పుకొచ్చింది. బాబాయ్ వివేకాను హత్య చేసినప్పుడు జగన్ ఢిల్లీ ఎందుకు వెళ్ళలేదు? పోలవరం నిధుల విషయంలో ఢిల్లీకి ఎందుకు వెళ్లలేదు? ఆంధ్ర ప్రదేశ్ ప్రత్యేక హోదా కోసం ఎందుకు ధర్నా చేయలేదు? అంటూ పలు రకాలు విమర్శలు చేస్తోంది. ఇక ఈ పరిణామాలను నిశితంగా పరిశీలించిన వైఎస్ఆర్సిపి హైకమాండ్.. ఆపరేషన్ షర్మిలను లైన్ లో పెట్టినట్టు విశ్వసనీ వర్గాల సమాచారం. ముందు షర్మిల నోరు మూసి.. ఆ తర్వాత విపక్షాల భరతం పట్టాలని వైఎస్ఆర్సిపి నిర్ణయించుకున్నట్టు సమాచారం. దీనికోసం త్వరలో జగన్మోహన్ రెడ్డి ఇండియా కూటమితో జతకట్టబోతున్నట్టు ఢిల్లీలో గుసగుసలు వినబడుతున్నాయి.