ఇక ఈ ఆలయంలో దాదాపు 20 వేలకు పైగా ఎలుకలు ఉన్నాయి. హిందూ సంప్రదాయంలో ఎలుకను గణపతి వాహనముగా పరిగణిస్తారు. కానీ ఇక్కడ ఈ ఎలుకలను కర్ణిమాత సేవకులుగా పిలుస్తారు. ఈ ప్రసిద్ధ ఎలుకలను కబ్బాలు అని కూడా పిలుస్తారు. కర్ణిమాత బాల్యం నుండి దుర్గాదేవి ఉపాసకురాలు. ఈమె 150 సంవత్సరాలు జీవించిందని తెలుస్తోంది. కర్ణిమాతకు పుట్టుకతోనే అతీంద్రియ శక్తులు ఉండేవని ప్రచారం.
ఆ శక్తులతో భక్తులు, పేదల సమస్యలు పరిష్కరించడంతో అందరూ ఆమెను దేవతల కొలవడం ప్రారంభించారు. ఓ రోజు కర్ణిమాత అకస్మాత్తుగా తన ఇంట్లోనే అదృశ్యమవుతుంది. ఆ తర్వాత ఆమెకు అక్కడే ఆలయం నిర్మించి అప్పటినుండి పూజలు జరిపారు. అయితే కొంతకాలానికి ఆమె భక్తులతో మాట్లాడిందని, తమ వంశస్తులంతా త్వరలో చనిపోతారని, వారంతా ఎలుకలుగా జన్మించి ఇక్కడే ఉంటారని, వారికి అన్న పానీయాలు సమర్పించి ధన్యులు కమ్మని కర్ణిమాత చెప్పిందట.
అలా కర్ణిమాత చెప్పిన విధంగానే జరగడంతో వారంతా అప్పటినుండి ఎలుకలను పూజించడం మొదలుపెట్టారు. ఆ ఆలయానికి వచ్చిన భక్తులు పెట్టిన నైవేద్యాలను, పాలు, పెరుగు, పండ్లు వంటి వాటిని ఎలుకలు ఆరగిస్తుంటాయి. అయితే ఈ ఆలయంలో ఎలుకలు మీ కాళ్ళ కింద పడకుండా జాగ్రత్తగా నడవాల్సి ఉంటుంది. పొరపాటున ఏదైనా ఎలుక కాళ్ల క్రింద పడి మరణిస్తే అపవిత్రతకు కారణమైన వ్యక్తి ఆ ఎలుక విగ్రహాన్ని బంగారంతో తయారు చేయించి ఇవ్వాల్సి ఉంటుంది. ఇక ఈ ఆలయంలో దాదాపు అన్ని నల్ల ఎలుకలే భక్తులకు కనిపిస్తాయి. కానీ అప్పుడప్పుడు కొందరికి ఇక్కడ తెల్ల ఎలుకలు కూడా కనిపిస్తూ ఉంటాయి.
ఈ తెల్ల ఎలుకలు కనిపించిన వారికి కర్ని మాత అనుగ్రహం లభిస్తుందని భక్తుల నమ్మకం. అయితే ఈ తెల్ల ఎలుకలు కేవలం కొన్ని ప్రత్యేకమైన పర్వదినాల్లో మాత్రమే కనిపిస్తాయట. ఇక ఆలయంలో అమ్మవారికి సమర్పించే ప్రసాదాన్ని ముందుగా ఎలుకలు తింటాయి. అనంతరం ప్రజలు దానిని ప్రసాదంగా స్వీకరిస్తారు. రాజస్థాన్ రాష్ట్రంలోని బికనేర్ నుండి 30 కిలోమీటర్ల దూరంలో ఉన్న దేశ్నోక్ అనే గ్రామంలో ఈ ఆలయం ఉంటుంది. బికనేర్ చేరుకోవడానికి జోద్పూర్ లో అంతర్జాతీయ విమానాశ్రయం కలదు. ఇక బికనేర్ నుంచి దేశ్నోక్ చేరుకోవడానికి బస్సు సదుపాయాలు అందుబాటులో ఉన్నాయి. ఈ ఆలయానికి ఏడాది పొడవున వేలాదిమంది పర్యాటకులు, భక్తులు విచ్చేస్తుంటారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి