రాజకీయయం అన్న తర్వాత పార్టీ ఫిరాయింపులు ఈ మధ్యకాలంలో అయితే కామన్ గా మారిపోయాయి. ఒకప్పుడు గెలిచిన ఓడినా ఒకే పార్టీని నమ్ముకుని ఉండేవాళ్లు నేతలు. కానీ ఇప్పుడు తమ పార్టీ ఓడిపోయింది అంటే చాలు అధికారంలో ఉన్న పార్టీకి ఎప్పుడు వెళ్దామా అని ఆశగా ఎదురుచూస్తున్న పరిస్థితులు కనిపిస్తూ ఉన్నాయి. ఇక ఏపీలో కూడా ఇలాంటి పార్టీ ఫిరాయింపులు మొదలయ్యాయి అని చెప్పాలి. 2024 అసెంబ్లీ ఎన్నికల్లో గతంలో అధికారంలో ఉన్న వైసిపి పార్టీ ఘోర పరాజయాన్ని చవి చూసింది. కేవలం 11 అసెంబ్లీ, నాలుగు పార్లమెంట్ స్థానాలలో మాత్రమే విజయం సాధించింది.


 ఇక వైయస్సార్ కాంగ్రెస్ పార్టీలో ఉన్న కీలక నేతలు అందరూ కూడా ఈ అసెంబ్లీ ఎన్నికల్లో ఓడిపోయారు అని చెప్పాలి. దీంతో వైసిపికి కనీసం ప్రతిపక్ష హోదా కూడా దక్కలేదు. ఇలాంటి పరిస్థితుల్లో.. ఇక ఫ్యాన్ పార్టీ నుంచి గెలిచిన నేతలు కూడా సైకిల్ ఎక్కే అవకాశం ఉందని త్వరలోనే ఇక వైసిపి ఖాళీ కాబోతుంది అంటూ వార్తలు కూడా తెరమీదకి వస్తూ ఉన్నాయి. ఇక వార్తలు రావడం కాదు ఇక ఇప్పుడు ఇది నిజంగానే జరుగుతుంది. ఒక్కొక్కరుగా వైసిపి పార్టీకి రాజీనామా చేస్తూ ఇక కూటమిలోని ఏదో ఒక పార్టీ కండువా కప్పుకోవడానికి రెడీ అయిపోతున్నారు.


 అయితే వైయస్సార్ కాంగ్రెస్ పార్టీ ఇలా ఖాళీ అయ్యే పరిస్థితి రావడానికి మరో కారణం కూడా ఉందని రాజకీయ విశ్లేషకులు అభిప్రాయం. మొన్నటి వరకు జగన్ను పల్లెత్తు మాట అన్న కూడా ప్రత్యర్థి పార్టీలపై విరుచుకుపడిన అనిల్ కుమార్ యాదవ్, కొడాలి నాని, బైరెడ్డి సిద్ధార్థ రెడ్డి లాంటి మాస్ ఫాలోయింగ్ ఉన్న నేతలు.. ఇక ఇప్పుడు సైలెంట్ అయిపోయారు. అటు వైసిపి నేతలపై దాడులు జరుగుతున్నా.. ఫ్యాన్ పార్టీ ఆఫీసులను ధ్వంసం చేస్తున్నా.. సొంత పార్టీ నేతల హత్యలు జరుగుతున్న కూడా ఎక్కడా తెర మీదకి వచ్చి నోరు విప్పడం లేదు. దీంతో ఇలాంటి మాస్ ఫాలోయింగ్ ఉన్న నేతలే ఇప్పుడు పరిస్థితులు చూసి భయపడి నోరు విప్పకపోతే.. ఇక పార్టీని కాపాడేదెవరు.. మా పరిస్థితి ఏంటో అని భయపడి మిగతా నేతలు అందరూ కూడా పార్టీని వీడుతున్నారు అనేది తెలుస్తుంది. పరిస్థితి ఇలాగే కొనసాగితే రానున్న రోజుల్లో వైసిపి తరఫున గెలిచిన ఎమ్మెల్యేలందరూ కూటమి పార్టీలలో చేరే అవకాశం ఉందని.. ఇలా జరిగితే వైసిపి పూర్తిగా ఖాళీ అయ్యి.. మరో పార్టీలో విలీనం చేసే పరిస్థితికి పడిపోతుందని రాజకీయ విశ్లేషకులు కూడా అంచన వేస్తున్నారు. మరి రానున్న రోజుల్లో ఏం జరగబోతుందో చూడాలి.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Jagan

praveen

08/08/2024 11:00 AM