మాజీ డిప్యూటీ సీఎం.. మాజీ ఆరోగ్య శాఖా మంత్రి ... ఏలూరు కు చెందిన ఆళ్ల నాని వైసిపిని .. జగన్ ను తన అవసరానికి పదేపదే వాడుకున్నారు. జగన్ ఆళ్ల నానికి ఏకంగా మూడుసార్లు ఎమ్మెల్యే సీటు ఇచ్చారు. ఒకసారి గెలిచిన అళ్ల నాని రెండుసార్లు ఓడిపోయారు. మధ్యలో ఒకసారి ఎమ్మెల్సీ ఇవ్వడంతో పాటు ఏలూరు జిల్లా పార్టీ పగ్గాలు కూడా ఇచ్చారు. పార్టీ అధికారంలోకి వచ్చాక డిప్యూటీ సీఎంతో పాటు కీలకమైన వైద్య ఆరోగ్యశాఖ పదవి కూడా కట్టబెట్టారు. ఎన్నికల్లో ఎప్పుడు అయితే పార్టీ ఓడిపోయిందో ? అప్పటినుంచి ఆళ్ల నాని సరైన టైమ్ చూసుకుని బయటికి వచ్చేయాలని ప్రయత్నాలు చేస్తున్నారు. వైసీపీ ప్రాథమిక సభ్యత్వంతో పాటు ఏలూరు జిల్లా అధ్యక్ష పదవికి ఏలూరు అసెంబ్లీ నియోజకవర్గం ఇన్చార్జి పదవికి రాజీనామా చేసేశారు.
ఆళ్ల నాని వైసీపీని వీడి వెళ్లడంతో ఇప్పుడు ఏలూరు అసెంబ్లీ నియోజకవర్గ పార్టీ పగ్గాలు ఎవరికి ? ఇస్తారు అన్న చర్చ వైసీపీలో నడుస్తోంది.


మధ్యలో ఒకసారి ఆళ్ల నాని ఎమ్మెల్సీగా ఉన్నప్పుడు గతంలో ఏలూరుకు మాజీ మున్సిపల్ చైర్ పర్సన్ గా పని చేసిన మధ్యాహ్నపు ఈశ్వరీ బలరాంకు నియోజకవర్గ కో - ఆర్డినేటర్ పగ్గాలు ఇచ్చారు. అయితే ఎన్నికలకు ముందు ఆమెను తప్పించి తిరిగి ఆళ్ల నానికే సీటు ఇచ్చారు. ఇక ఇప్పుడు నాని పార్టీని వీడ‌డంతో ఏలూరు ఇన్చార్జి పగ్గాలు బీసీ కోటాలో పిల్లంగోళ్ల శ్రీలక్ష్మి యాదవ కు కేటాయిస్తారు అంటూ ప్రచారం జరుగుతుంది. వాస్తవానికి శ్రీలక్ష్మి యాదవ్ 2019 ఎన్నికలలో దెందులూరు సీటు ఆశించారు .. అయితే ఆమెకు అప్పుడు ఆ సీటు దక్కలేదు. జగన్ తనకు సన్నిహితుడైన ఎన్నారై కొఠారు అబ్బయ్య చౌదరికి సీటు ఇవ్వడంతో శ్రీలక్ష్మి యాదవ్ ఆశలు నెరవేరలేదు. ప్రస్తుతం ఆళ్ల నాని తప్పుకోవడంతో పిల్లంగోళ్ల శ్రీలక్ష్మి యాదవ్‌ కు అసెంబ్లీ సీటు ఇస్తారంటూ ప్రచారం జరుగుతోంది.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

allanani

RAMAKRISHNA S.S.

11/08/2024 12:31 PM