సారథి కార్యక్రమాన్ని బీజేపీ చాలా గొప్పగా ప్రచారం చేసుకోవడం పట్ల ప్రజల నుంచి కొన్ని మాటలు వినిపిస్తున్నాయి. కేంద్ర పార్టీ అయిన బీజేపీకి ప్రజల సమస్యలు ఇంత వరకూ తెలియవా? అనే ప్రశ్న ఎదురవుతోంది. ప్రజల సమస్యలు తెలుసుకున్నాక మళ్లీ వాటిని రాష్ట్ర సర్కార్ తెలియజేసి సీఎం చంద్రబాబు ద్వారా సమస్యలు పరిష్కరించే ప్రయత్నం బీజేపీ చేయనుంది. దీనికే కమలనాథులు ఇంత బిల్డప్ ఇవ్వడం ఏంటనే విమర్శ ఎదురవుతోంది. ఇప్పటికే రాష్ట్ర పార్టీలు అయిన టీడీపీ, జనసేనలు ప్రజల నుంచి వినతులు స్వీకరిస్తూ సమస్యలు పరిష్కరిస్తున్నాయి కదా. మరి బీజేపీ కూాడా దానిని కాపీ కొడుతూ అలాంటి కార్యక్రమం చేయాలా? అనే ప్రశ్న రాష్ట్ర బీజేపీ చీఫ్ అయిన పురందేశ్వరికి ఎదురవుతోంది.
బీజేపీ ఇప్పుడు ప్రజల కోసం కాకుండా కేంద్రం నుంచి తీసుకురావాల్సిన నిధులపై దృష్టి పెట్టాల్సిన అవసరం ఉంది. రాష్ట్రం తరపున కేంద్రంలో తన వాయిస్ వినిపిస్తే ప్రయోజనం ఉంటుందని పలువురు సూచిస్తున్నారు. కడప ఉక్కు ఫ్యాక్టరీ నిర్మాణం, జిల్లాలకు నిధులు తేవడం, నీటి వివాదాలపై పరిష్కారం తీసుకొచ్చే మార్గాలను అన్వేషించాలి. కేంద్ర సర్కార్‌కు అన్ని వివరంగా చెప్పి రాష్ట్రానికి మేలు జరిగేలా చూడాలి. అలాంటిది చేయకుండా ఇలా కాపీ కొట్టే కార్యక్రమాలను బీజేపీ చేయడం ఏంటనే ప్రశ్న పురందేశ్వరికి ఎదురవుతోంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి