వాస్తవంగా చూస్తే వేమిరెడ్డి దంపతులు తెలుగుదేశం పార్టీలోకి వచ్చి నిస్తేజంగా ఉన్న పార్టీకి మంచి ఊపు ఇవ్వడంతో పాటు ఇద్దరు ఒకరు ఎంపీగా మరొకరు ఎమ్మెల్యేగా విజయం సాధించారు. ప్రశాంతి రెడ్డికి కచ్చితంగా మంత్రి పదవి వస్తుందని అందరూ అనుకున్నారు. అయితే నెల్లూరు జిల్లాలో ఉన్న సమీకరణాల నేపథ్యంలో ప్రశాంత్ రెడ్డికి మంత్రి పదవి రాలేదు. ఇక ఇప్పుడు ఆమెకు ఓ కీలక పదవి ఇవ్వాలని చంద్రబాబు నిర్ణయం తీసుకున్నట్టు తెలుస్తోంది. ఆంధ్రప్రదేశ్లో నామినేటెడ్ పదవుల విషయమై పెద్ద ఎత్తున చర్చ జరుగుతుంది. ముఖ్యంగా టీటీడీ చైర్మన్ .. బోర్డు సభ్యులపై చంద్రబాబు కసరత్తులు చేస్తున్నారు.
టీటీడీ బోర్డు చైర్మన్ ఎవరనే విషయమై పలువురు పేర్లు తెరమీదకు వచ్చాయి. ఇక బోర్డు సభ్యుల విషయానికి వస్తే ఎమ్మెల్యే వేమిరెడ్డి ప్రశాంతి రెడ్డి పేరు దాదాపు ఖరారు అయినట్టు తెలుస్తుంది. ఆమె గతంలో జగన్ ప్రభుత్వ హయంలో కూడా టీటీడీ సభ్యురాలుగా పనిచేశారు. అలాగే టిటిడి ఢిల్లీ సలహా మండలి చైర్పర్సన్ గా కూడా పనిచేశారు. నెల్లూరు జిల్లా రాజకీయాలలో వేమిరెడ్డి దంపతులు క్రియాశీలకంగా వ్యవహరిస్తున్నారు. అటు చంద్రబాబు కోసం తమ వంతుగా ఎన్నికైన పోరాటాలు చేసి మరి పార్టీని నిలబెట్టారు. అందుకే ప్రశాంతి రెడ్డికి టీటీడీ బోర్డులో స్థానం ఖరారు అయిందని తెలుస్తోంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి