ఇటీవల ఆదాయ పన్ను శాఖ ఒడిశాలోని ఒక మద్యం తయారీ కంపెనీపై ఓ పెద్ద దాడి చేసింది. ఈ దాడిలో అధికారులు ఏకంగా 352 కోట్ల రూపాయల నగదును స్వాధీనం చేసుకున్నారు. ఇది ఆదాయ పన్ను శాఖ చేసిన దాడుల్లో బిగ్గెస్ట్ ఇన్‌కమ్ ట్యాక్స్ రైడ్ అయింది. ఈ క్యాష్ లెక్కించడానికి, భద్రపరచడానికి అధికారులు ఏకంగా 10 రోజులు శ్రమించారు.
ఈ గొప్ప పనికి గుర్తుగా, ఆదాయ పన్ను శాఖ ఈ జట్టుకు 'CBDT ఎక్సలెన్స్ సర్టిఫికేట్' అనే అవార్డును ఇచ్చింది. ఈ అవార్డును కేంద్ర ఆర్థిక మంత్రి నిర్మలా సీతారామన్ 2024, ఆగస్టు 21న భువనేశ్వర్‌లో జరిగిన ఒక కార్యక్రమంలో ప్రదానం చేశారు. గత సంవత్సరం డిసెంబర్‌లో, ఒడిశాలోని ఒక మద్యం తయారీ కంపెనీపై ఆదాయ పన్ను శాఖ అధికారులు 10 రోజుల పాటు దాడి చేశారు. ఈ దాడిలో ఇంతకు ముందు ఎప్పుడూ జరగని విధంగా అత్యధిక మొత్తంలో నగదును స్వాధీనం చేసుకున్నారు. ఈ దాడిలో ముఖ్య పాత్ర పోషించిన వారిలో గుర్‌ప్రీత్ సింగ్ అనే అధికారి కూడా ఉన్నారు.
ఆదాయ పన్ను శాఖ అధికారులు భూమి కింద దాచిన బంగారం, నగదు వంటి విలువైన వస్తువులను కనుగొనడానికి ప్రత్యేకమైన యంత్రాన్ని ఉపయోగించారు. అలా దొరికిన కోట్ల రూపాయలను లెక్కించడానికి 36 నోట్ల లెక్కింపు యంత్రాలు, బ్యాంకు ఉద్యోగుల సహాయం తీసుకున్నారు. మొత్తం 351.8 కోట్ల రూపాయలను స్వాధీనం చేసుకున్నారు.
ఇప్పుడు ఆదాయ పన్ను శాఖ ఇంకా చెల్లించని పన్నులను వసూలు చేయడంపై దృష్టి సారించింది. 43 లక్షల కోట్ల రూపాయల పన్నును వసూలు చేయవలసిన 5,000 కేసులపై అధికారులను నిఘా ఉంచాలని ఆదేశించారు. ఇది అక్రమంగా సంపాదించిన డబ్బును అరికట్టడానికి ప్రభుత్వం చేస్తున్న ప్రయత్నాలకు ఒక ఉదాహరణ. ప్రభుత్వం పన్ను నిబంధనలను ఎంత కట్టుదిట్టంగా అమలు చేస్తుందో ఈ ఒక్క సంఘటనతో తేలిపోయింది. అలాగే టాక్స్‌ ఎగ్గొడితే చివరికి భారీ ఫైన్లు తప్పవని ఈ ఘటన చెప్పకనే చెబుతోంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి