పార్టీ ఓడిపోయాక నియోజకవర్గంలో అంబటి పెద్ద పెద్ద షాక్‌లు తగులుతున్నాయి. తాజాగా అంబటి ప్రధాన‌నుచరులుగా ముద్ర పడినవారు అందరూ స్థానిక ఎమ్మెల్యే.. టిడిపి నాయకుడు కన్నా లక్ష్మీనారాయణ కు జై కొడుతున్నారు. నక‌రికల్లు మాజీ జడ్పిటిసి అంబటి ప్రధాన అనుచరుడు రాఘవరెడ్డి.. టిడిపి తీర్థం పుచ్చుకున్నారు. రాఘవరెడ్డి తో పాటు ఆయన అనుచరుడు కొండా మురళీధర్ రెడ్డి.. అలియాస్ కేబుల్ మురళి కూడా కన్నా సమక్షంలో టిడిపిలో చేరుతున్నారు. పైగా వీళ్లంతా వైసీపీని జగన్‌ను గత పదిహేడేళ్ళుగా అభిమానిస్తున్న నేతలు కావడం విశేషం. వీరంతా రెడ్డి సామాజిక వర్గానికి చెందినవారు కావడం కూడా ఇక్కడ ప్రధానంగా గమనించవలసిన విషయం.
అంబటి రాంబాబు తీరుతో విసిగిపోయి.. ఆయన అధికారంలో ఉన్నప్పుడు తమ పూర్తిగా పక్కన పెట్టడంతో.. ఇప్పుడు వారంతా టిడిపిలోకి వెళ్ళిపోతున్నారు. ఇక నియోజకవర్గంలో కన్నా లక్ష్మీనారాయణ తన రాజకీయ చాతుర్యాన్ని ఉపయోగించి వైసీపీలో ఉన్న కీలక నేతలు అందరిని టిడిపిలో చేర్చుకుంటున్నారు. మంత్రివర్గ విస్తరణలో అయిన తనకు కచ్చితంగా మంత్రి పదవి వస్తుందన్న ధీమాతో ఉన్న కన్నా లక్ష్మీనారాయణ.. నియోజకవర్గంలో అసలు వైసీపీకి చోటు లేకుండా చేయాలని ఇప్పటినుంచే ప్రణాళికలు రచిస్తూ దూసుకుపోతున్నారు. ఏది ఏమైనా అంబటి రాంబాబును.. కన్నా పూర్తిగా దెబ్బ కొట్టడం కాయంగా కనిపిస్తోంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి