ప్రత్యేక తెలంగాణ రాష్ట్రమే ప్రత్యేక ఉద్దేశంతో కల్వకుంట్ల చంద్రశేఖర్ రావు తెలంగాణ రాష్ట్ర సమితి (టిఆర్ఎస్) పేరుతో ఓ రాజకీయ పార్టీని స్థాపించిన విషయం మన అందరికీ తెలిసిందే. ఈ పార్టీని స్థాపించిన మొదట్లో కేసీఆర్ ఎన్నో ఒడిదుడుకులను ఎదుర్కొన్నాడు. పెద్ద పెద్ద పార్టీలతో పోటీ పడ్డాడు. పార్టీని ప్రారంభించిన మొదటి దశలో తెలంగాణ రాష్ట్రంలో తెలుగు దేశం , కాంగ్రెస్ రెండు పార్టీలు కూడా బలంగా ఉన్నాయి. ఆ పార్టీల పోటీని తట్టుకొని మరి టిఆర్ఎస్ పార్టీ నిలబడింది. ఇక కెసిఆర్ అనేక సార్లు తెలంగాణ ఉద్యమాన్ని ప్రజల్లోకి తీసుకువెళ్లాడు. ఇక 2009 వ సంవత్సరం నుండి ఈ ఉద్యమం ఉదృతమయింది.

ఈ ఉద్యమానికి తెలంగాణ ప్రజల నుండి అద్భుతమైన స్థాయిలో సపోర్ట్ వచ్చింది. దానితో కేంద్రం 2014 వ సంవత్సరం ప్రత్యేక తెలంగాణ రాష్ట్రాన్ని ఇచ్చింది. ఇక తెలంగాణ రాష్ట్రం ఏర్పడిన తర్వాత జరిగిన మొదటి అసెంబ్లీ ఎన్నికలలో టిఆర్ఎస్ పార్టీకి భారీ స్థాయిలో అసెంబ్లీ స్థానాలు వచ్చాయి దానితో చంద్రశేఖర్ రావు ముఖ్యమంత్రి అయ్యారు. ఆ తర్వాత 2019 వ సంవత్సరం జరిగిన ఎన్నికలలో కూడా టిఆర్ఎస్ పార్టీ భారీ అసెంబ్లీ స్థానాలను దక్కించుకుంది. దానితో కెసిఆర్ రెండవ సారి తెలంగాణ రాష్ట్రానికి ముఖ్యమంత్రి అయ్యారు. ఇక 2023 వ సంవత్సరం జరిగిన ఎన్నికలలో టిఆర్ఎస్ పార్టీకి ఎదురు దెబ్బ తగిలింది. ఈ ఎన్నికలలో కాంగ్రెస్ పార్టీకి ఎక్కువ అసెంబ్లీ స్థానాలు రావడంతో కాంగ్రెస్ పార్టీ అధికారంలోకి వచ్చింది. రేవంత్ రెడ్డి ముఖ్యమంత్రి అయ్యాడు. ఇక ఒక్క సారిగా బీఆర్ఎస్ పార్టీ అసెంబ్లీ స్థానాలు భారీగా తగ్గిపోయాయి. ఇక చూస్తే 2024 వ సంవత్సరం జరిగిన పార్లమెంట్ ఎన్నికలలో బీఆర్ఎస్ పార్టీకి ఒక్కటంటే ఒక్క పర్లమెట్ సీటు కూడా రాలేదు.

దానితో ఈ పార్టీ మనుగడ ఎటు వైపు వెళుతుందా అనే అనుమానం కూడా చాలా మం దిలో వ్యక్తం అవుతూ వచ్చింది. ఇకపోతే బీఆర్ఎస్ పార్టీలో అనేక మంది నేతలు ఉన్నా కూడా భారం అంతా ఓ ఇద్దరిపైనే పడింది. కేసీఆర్ మొదటి నుండి కూడా ఓటమి తర్వాత ఎక్కువగా జనాల్లో తిరగడం లేదు. బయటికి కూడా ఎక్కువ రావడం లేదు. దానితో కేటీఆర్ , హరీష్ రావు మాత్రమే ఎక్కువగా కాంగ్రెస్ పార్టీపై తమదైన స్థాయిలో విరుచుకుపడుతూ వస్తున్నారు. దానితో వీరిద్దరే బీఆర్ఎస్ పార్టీ భారాన్నంతా మోస్తూ వస్తున్నారు.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Brs

Pulgam Srinivas

29/08/2024 08:58 AM